BILANGAN 15:31 - Susula Malalaok Hehelu Palak Ma Hehelu Beuk

³¹ nanahu ana la'ban Manetualain, ma ana bubuluk Manetualain paletan-na, tehu ana la'olenan. Soona hataholi ndia mate, nanahu salan-na.

BILANGAN 15:31 ပူးပေါင်းရင်းမြစ်များ

2 SEMUEL 12:9

Tao le'e de, o ta nau taoafik neu Au paletang-ngala fa? Tao le'e de, o tao-no'i tatao-nono'i mangalauk ndia? O taomisa Uria neme natee-natatik dale; o po'ilotak hataholi Amon-nala taolisan, de o ho'i-ma saon-na!

MAZMUR 107:11

nana ala ta nau la'ban Manetualain paletan-na, ma ta taoafik neu Manetualain Fo Mademaina, paletan-na fa.

MAZMUR 119:126

Manetualain, fain-na losa, soaneu O tao hata esa, nana hataholi-la la'olena, O hoholo-lalanem.

MAZMUR 38:4

Au amahe'di belak, nanahu O nasa-melum; ta hapu so'da-la'dak nai au aopaang-na fa, nanahu au sala-singong.

KELUARAN 30:33

Hataholi fo ana tao mina matak leondiak-ka, do ana losen neu hataholi fo ta imam fa soona, Au anang ta ndia so'on.”

AMSAL 13:13

Hataholi fo nakadadaek Manetualain nanolin-na, ana tao soe aoinan-na; tehu hataholi fo, ana tunga Manetualain hoholo-lalanen-na, neukose ana hapu ngga'din-na.

YESAYA 30:12

Hu ndia de, Israel Manetualain malalao-malafun-na, nafa'da nae leo ia, “Emi ta sipok Au dede'a-kokolang fa, de emi masalai emi deam-ma neu tuni-ndenik-ka, ma tipu-daik-ka.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

IMAMAT 26:15

metema emi la'olena hehelu-balataak fo Au taon no emi, ma ta nau tunga Au nakeketung, ma Au nakaneneteng-ngala fa soona,

IMAMAT 26:43

Tehu, muse usi heni nakahuluk laun manai dae ndia dalek-ka, fo dae ndia louk, fo ela te'e-te'e, dae ndia hapu hahaeaon. Ma Au anang-ngala, muse lakalala'ok basa huhukuk fo Au aketun soaneus, nanahu ala ta nau tunga Au nakaneneteng, ma Au paletang-ngala fa.

IMAMAT 5:1

Paluu tunu-hotu tutunu-hohotu sala-singok hapu do'o do ampon: Metema, loke hataholi esa da'di sakasii matetuk nai manakee-mafula matan, tehu ana ta tui hata fo nitan do namanenen fa soona, ana muse lu'a-lepa tatao-nono'in buna-boan.

BILANGAN 9:13

Nasafalin-na, hataholi manggenggeo ta ka, ma ta nai leleo-lala'o dame doo dalek boen, tehu ana ta tunga feta Paskah fa soona, Au ta sipok-kana da'di Au anang so'on, nanahu ana ta tunu-hotu tutunu-hohotuk fe Au, nai faik fo nananaketuk-ka. Hataholi ndia, muse lu'a-lepa aon sala-singon.

ULANGAN 17:12

Su'di see fo, ana napalani la'ban manakee-manafula ma imam-mala nakeketun-na soona, muse hukunisa hataholi ndia; no enok ndia, emi hapu tao mamopo tatao-nono'i mangalauk ndia, nai Israel.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

2 PETRUS 2:21

Malole lenak hataholi matak leo sila kala, boso lalelak Manetualain eno ndo na, neme lalela kana, tehu neu fai makabuin te, ala ta nau tao tunga paleta fo Manetualain fen neus ala fa.

SEMUEL SUSULAK-KA ESAN-NA 3:14

Hu ndia de, Au soo-supa fe Eli teidale-bobongin-na, ae leomae tutunu-hohotuk do tunu-hotu matak leo beek ndia boeo, neukose ta hapu lose heni sila sala-singo matuainan ndia, losa dodoon-na.”