BILANGAN 15:30 - Susula Malalaok Hehelu Palak Ma Hehelu Beuk

³⁰ Tehu metema, hataholi Israel esa, do hataholi nusa dea esa, ana bubuluk nakanenetek-ka, tehu ana tao sala-singok soona, ndia nana'de nakadadaek Manetualain. Soona muse hukunisa hataholi ndia,

BILANGAN 15:30 ပူးပေါင်းရင်းမြစ်များ

KEJADIAN 17:14

Basa touk, nanasunat taak lala'en-na, Au anang ta ndia fa, nanahu, ana ta ho'u hehelu-balataak ndia fa.”

AYUB 38:15

Lele'dok-ka mangale'don-na, nasalaa nanseli, ba'eneu hataholi lamatua taak-ka, ma nakatakas, tao naseti-nalakak.

MAZMUR 19:13

Ta hapu hataholi, nameda aon matofa-matalan-na fa; Manetualain, soi-po'i au neme salak fo nananafunik-ka mai.

MAZMUR 69:9

Au da'di sama leo, hataholi nusa dea ba'eneu au tolanoo-ka'a-fa'ding, sama leo hataholi deak ba'eneu au ka'a-fa'ding.

MAZMUR 74:18

Mafandendelek, tao leo beek de, musu-a nakamumulu-nakamamaek O, ou Manetualain, leoina fo ta lalelak O fa, lakamumulu-lakamamaek O na'dem-ma.

MAZMUR 74:22

Ou Manetualain, fo'a leona, fo masala'e O dede'am-ma! Nana nai fai katemak esa dalen-na, hataholi fo ta lamahele O fa, lakamumulu-lakamamaek O.

MAZMUR 79:12

Ou Manetualain, balas leoina sila-la, didikuk la'i hitu, nanahu sila nakamumulu-nakamamaen soaneu O-a.

MAZMUR 89:51

Ou Manetualain, mafandele, tao leo beek de, O atam ia, nananakamuu-nakadauk, au lu'a-lepa nakamumulu-nakamamaek neme leoina makadotok mai.

KELUARAN 21:14

Tehu metema hataholi esa daak-ka sa'en, fo ta name'da fa, te ana taonisa hataholi fe'ek, de basa boema, nalai leo Au mei tunu-hotung-nga neu, fo ana hapu nasulu-nahapak soona, muse hela heni hataholi ndia neme mei tunu-hotuk-ka mai, fo hukunisan.

KELUARAN 30:33

Hataholi fo ana tao mina matak leondiak-ka, do ana losen neu hataholi fo ta imam fa soona, Au anang ta ndia so'on.”

AMSAL 14:31

See tao malole neu hataholi nuu-taa hata-taak-ka soona, ana fe ha'da-holomata neu ndia Manetualain-na; tehu see tuni-ndeni hataholi tapandoes-sa soona, nakamumulu-nakamamaek Manamakadada'dik-kana.

YESKIAL 20:27

Nah, hai hataholi daebafak fo, manasapu-manalalok-konei, mafa'da hataholi Israel-la hata fo Au, Manetualain Fo Mademaina, afa'das: Hapu buti fe'ek fo natu'du, tao leo beek de, sila bei-ba'i kain-nala lakamumulu-lakamamaek Au, ma ala ta lilineka neu Au fa

IMAMAT 20:10

Metema, hataholi Israel esa, ana hohonge no hataholi fo bei sila leoina esa saoinan-na soona, muse hukunisan no inak ndia.

IMAMAT 20:3

Hataholi fo, ana tunu-hotu anan-na soaneu nitu Molokh-ka, ana tao nanggenggeo Au Lalaa Temang-nga, ma nakadadaek Au na'de malalao-malalafung-nga. Neukose Au hukun, ma Au ta sipok-ka da'di Au anang so'on.

IMAMAT 20:6

Hataholi fo neu sanga malelak nai hataholi malelak, fo ana kokolak no hataholi manamatek samanen soona, neukose Au hukun, ma Au ta sipok-kana da'di Au anang so'on.

BILANGAN 15:29

Nakanenetek ndia boeo, la'e see fo, ta name'da fa te, ana tao sala-singok so, nau ndia hataholi Israel, do hataholi nusa dea, fo ana leo nahele nai sila nusan dale boe.

BILANGAN 9:13

Nasafalin-na, hataholi manggenggeo ta ka, ma ta nai leleo-lala'o dame doo dalek boen, tehu ana ta tunga feta Paskah fa soona, Au ta sipok-kana da'di Au anang so'on, nanahu ana ta tunu-hotu tutunu-hohotuk fe Au, nai faik fo nananaketuk-ka. Hataholi ndia, muse lu'a-lepa aon sala-singon.

MATEOS 12:32

Metema hataholi a, ana kokolak dede'ak esa, fo ana lena-la'ban Ana Hataholi ka soona, ana hapu do'o do ampon, tehu metema nakamumulu-nakamamaek Manetualain Dula Dale na soona, ana ta hapu do'o do ampon fa, nau nai besak ia do nai fai mate'e ka boe!”

ULANGAN 1:43

Au anduku-alosak hata fo Manetualain nafa'dan ndia neu emi, tehu emi ta taoafik neu fan. Emi lena-la'ban Manetualain paletan-na, nenik koao-ndaeaok emi meu leo dae letelepak ndia meu.

ULANGAN 32:27

Tehu Au ta nau Israel musun-nala, lamatutua-lamadedema aoinan-nala fa; fafa'kama, ala dudu'a-dodoo sala, fo lafa'da lae sila sengi Au anang-ngala,’ te se'kona, Au nde tao basa ia-la.

IBRANI 10:26

Nana metema halak fo ndoos maneme Manetualain mai a, nanananduku-nalosa basak neu ita, tehu ta'ko ita ka'da tao sala-singok takandoo soona, ta hapu seluk tutunu-hohotuk soaneu loseheni ita sala-singon fa.

IBRANI 10:29

Huhuku na bela na seli, nanaketuk neu hataholi fo ana heheta-aa'i Manetualain Anan na. Hu ka nde hataholi ndia nakadadaek Manetualain hehelu-balataa daa na, fo nde Kristus mamate na, fo mana tao balisin neme sala-singon mai. Ndia boeo nakamumulu-nakamamaek Manetualain Dula Dalen fo mana fe do'o do ampon matua ina nanseli a.

2 PETRUS 2:10

nakalenak ba'eneu hataholi mana tunga nasa-melun hihii-nanau manggenggeo nala, ma hataholi fo lakamumulu-lakamamaek Manetualain koasa na. Mese masapepekok sila la lapalani ma koao-ndaeao lanseli, nalosa ala ta hiapenge lakamumulu-lakamamaek basa hata maso'da mandela-masa'ak manai nusa so'da ka boe!

1 YOHANIS 5:16

Metema emi mita emi nonoo salanim esa, ana tao salak esa, leomae ta nini mamates fe fan, soona ela leo been-na, emi hule-haladoi neu Manetualain fo Ana fe hataholi ndia, maso'da matetu ka, ma mana ketu basa ta ka. Dede'ak ia nandaa no hataholi fo ana tao salak, te salak ndia ta nini mamates fe fan. Tehu emi boso hule-haladoi neu Manetualain, soaneu hataholi fo sala na nini mamates. Emi tao salak soona, hule-haladoi neu Manetualain.

SEMUEL SUSULAK-KA ESAN-NA 2:25

Metema, hataholi nasala neu hataholi daebafak soona, Manetualain nasala'en; tehu metema hataholi nasala-nasingo neu Manetualain soona, see kande tulu-falin-nana?” Tehu, ala ta lafaduli sila aman Eli, nanoli-nafa'dan fa, nana Manetualain naketu basa soaneu taonisas so.

SEMUEL SUSULAK-KA ESAN-NA 3:14

Hu ndia de, Au soo-supa fe Eli teidale-bobongin-na, ae leomae tutunu-hohotuk do tunu-hotu matak leo beek ndia boeo, neukose ta hapu lose heni sila sala-singo matuainan ndia, losa dodoon-na.”