BILANGAN 15:22 - Susula Malalaok Hehelu Palak Ma Hehelu Beuk

^22-24 Metema emi ta mame'da fa, te emi la'olena nakanenetek esa, neme Manetualain fe basa Musa nakanenetek-kala mai soona, mulai neme faik fo Manetualain fe nakanenetek ndia, losa bobongik leo bobongik neu, ma emi tao salak ndia, nanahu emi ta bubuluk nakanenetek-ka fa, soona emi basa-basamala, muse tunu-hotu sapi mane esa, soaneu tutunu-hohotu nanatunuk. Emi muse tunu-hotu tutunu-hohotu nana'ak ma oe angol, sama-sama no sapi mane ndia, sama leo nakeketuk-ka. Tutunu-hohotuk ndia boon-na, nandaa no Manetualain dalen-na. Fe'ek neme ndia mai, emi muse tunu-hotu bi'ilopo mane esa, soaneu tutunu-hohotu sala-singok hapu do'o do ampon.

BILANGAN 15:22 ပူးပေါင်းရင်းမြစ်များ

MAZMUR 19:12

Basa sila-la, ala fe nasanene'dak neu O atam-ma: ngga'di matuaina, nanasadiak ba'eneu hataholi fo, manatungan-nana.

IMAMAT 4:2

fo ana po'a-benga neu leoina Israel-la, nae su'di see, fo ta name'da fa te ana tao sala-singok, nenik ana la'olena Manetualain paletan esa soona, muse ana tunga nakanenetek-kala nde ia.

IMAMAT 4:22

Metema, manatao sala-singok-ka, hataholi manakoasa esa, nanahu ta name'da fa te ana la'olena Manetualain paletan esa,

IMAMAT 4:27

Metema, lauingu esa, ana tao sala-singok, nanahu ta name'da fa te ana la'olena Manetualain paletan esa,

IMAMAT 5:13

Enon-na leondiak, imam-ma tunu-hotu tutunu-hohotuk soaneu hataholi ndia sala-singon, soona neukose, Manetualain fe do'o do ampon neun. Imam-ma baba'en-na nde ha'desopu lenak ndia, sama leo tutunu-hohotuk gandum-ma boe.

BILANGAN 15:21

Loti fo, emi taon neme gandum nanake'di makasososak ndia, muse emi fen da'di leo tunu-hotu hehelik neu Manetualain losa dodo-na.

LUKAS 12:48

Tehu malalau-maoono fo ana ta bubuluk tua na hihii-nanaun, basa boema ana tao nasala hata esa, nalosa muse filu kana, tehu neukose ala filuk lakadada'u kana. Nana hataholi fo ala fe basan ba'u ka, neukose loke lakaseti ba'u ka neme hataholi ndia mai boe. Ma hataholi fo nanafe namahehelek ba'u ka, neukose loke lakaseti ba'u ka neme hataholi ndia mai boe.”