BILANGAN 14:9 - Susula Malalaok Hehelu Palak Ma Hehelu Beuk

⁹ Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

BILANGAN 14:9 ပူးပေါင်းရင်းမြစ်များ

KEJADIAN 48:21

Boema Yakob nafa'da Yusuf nae, “Sama leo o mita ka, au mamateng-nga deka so, tehu neukose Manetualain tulu-fali emi ma no falik emi leo emi be'i-ba'i kaim-mala nusan-na meu.

2TAWARIKH 13:12

Ami mauli-malangam nde bee na Manetualain mesak-kana ma basa imam manai ia-la. Ala laheheleaon basa soaneu puu trompet-ta, da'di leo ta'du-tana ba'eneu ami soaneu sapu-ma emi. Hai hataholi Israel-la lemin, boso la'ban Amak fo emi bei-ba'i kaim Manetualain-na! Emi ta bisa sengi fa!”

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 20:17

Emi ta paluu matee-matati nai natee-natatik ia dalek fa. Meu leo mamanak fo nananafa'da basak neu emi so, fo mahani ka'da ndia. Neukose emi mita Manetualain fe emi sengi. Hai laun Yehuda ma Yerusalem-mala lemin, dalem-mala boso ba'ihana do bii-mamata'u. Ka'da masok leo natee-natatik ndia dalek meu, te neukose Manetualain tulu-fali emi!”

2TAWARIKH 32:8

Ndia namahena hataholi daebafak-ka be'ibalakain, tehu ita tamahena neu ita Manetualain fo Ana tulu-fali ma natee-natati nggati ita.” Laun-na lamanene sila manen-na hala-kokolan ndia boema, lapalani.

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

MAZMUR 106:24

Basa boema, ala ta nau sipok nusak mana'ahiik ndia fa, Nanahu, ta lamahele neu Manetualain hehelu-balataan fa.

MAZMUR 121:5

Neukose Manetualain nanea o, de nai o boboam-ma, fo nasulu-nahapa o.

MAZMUR 14:4

Manetualain nae, “Hataholi mangalauk sila-la, ta lame'da fa do? Ala laso'da lenik ka'da, ala kalo Au anang-ngala, ma ala ta hule-haladoi neu Au fa.”

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 46:8

Manetualain Fo Manakoasa nonook ita, Yakob Manetualain-na, nasulu-nahapa ita.

MAZMUR 74:14

O tao makalulutuk buta Lewiatan-na, langan-nala, de O taon da'di nana'ak ba'eneu hata fo manaleo nai moo solokaek-ka.

MAZMUR 91:1

Hataholi fo, nasulu-nahapa neu Manetualain Fo Mademaina, ma ana leo nai Manakoasa li'da susuen-na dalek soona,

KELUARAN 14:13

Musa nataa nae, “Boso bii-mamata'u! Makatatakak mahele! Neukose emi mita hata fo Manetualain taon soaneu soi-tefa-nala emi. Hataholi Masir fo besak ia emi mitak sila-la, neukose emi ta mita seluk-kasa so'on.

KELUARAN 33:16

Tao leo beek fo neukose hataholi ia-la bubuluk lae au ma leoina ia mandaa moo O dalem-ma, metema O ta tulu-fali ami fa. Manetualain mamain-na nai ami tala'daheom, neukose ana tao na ami fe'ek neme leoina fe'ek manai daebafak-ka.”

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 42:11

Bosobai bii neu manek Babel ndia. Hapu Au nai emi tala'da soaneu tulu-fali ma soi-po'i emi neme ndia koasan-na mai.

YEREMIA 48:45

Hataholi nanausik-kala lalai leu sanga nasulu-nahapa nai Hesybon, te kota ndia nanade'dek ma uma manek Sihon-na ha'i na'an boe. Ha'i na'a na basa mamanak nggolok-ka ma lete pe'dak Moab, fo hataholi manatao musu-la nggolon-na

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

DANIAL 9:9

O henuk no do'o do ampon ma susue-lalaik, leomae ami la'ban basa O so.

BILANGAN 13:30

Tehu Kaleb nakatetesa-nakatatamak hataholi fo dalen-na falahaa neu Musa. Kaleb nae, “Ita muse sapu-ta nusak ndia, fo ata loso-tan besak ia boe, nanahu ita balakain-na dai, soaneu ita sengis.”

BILANGAN 17:6

Musa nanduku-nalosak dede'ak ndia, neu hataholi Israel-la. Boema, basa sila mauli-malangan-nala, ala fe Musa ai tete'ek esa, soaneu mane leo esa. Basa-basan, ai tete'ek sanahulu dua, fo Harun ai tete'en-na, nai dalek boe.

BILANGAN 20:2

Nai faik esa boema, oe ta sila mamana oofun-na. Boema, hataholi sila-la lakamomotu-la Musa no Harun

BILANGAN 24:8

Manetualain nde nos kalua leme Masir mai, Ana natee-natati soaneus, sama leo sapi fuik-ka. Neukose Ana ko'do heni, leoina fo, manamusu loon-na, Ana tao nakalulutuk duin-nala, ma Ana helu la'di kokou isin-nala.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

ULANGAN 1:26

Tehu, emi lena-la'ban emi Manetualaim-ma paletan-na, de emi ta nau masok nusak ndia fa.

ULANGAN 1:29

Tehu, au afa'da ae, Boso bii hataholi sila-la.

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

ULANGAN 32:42

Neukose, Au kou-kou ising-ngala, ladiu sila dan-na; Au taoisa basa manalena-la'ban Au-a, nenik Au tafainang-nga. Su'di see fo, ana lena-la'ban Au soona, au ta po'ilotak-kana fa; Hataholi nanahukuk, ma hataholi makahinak-kala, muse mate boe.

ULANGAN 7:18

Tehu emi boso bii-mamata'u leoina sila-la; mafandendelek, hata fo emi Manetualaim-ma nafa'da mane Masir-ra no laun-nala lala'en-na.

ULANGAN 7:21

Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

ULANGAN 9:7

Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 14:12

Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

HAKIM-HAKIM 1:22

Leo Efraim ma leo Manasye, fo Yusuf tititi-nonosin-nala, leu sapu-la kota Betel-la, fo nai lelek ndia, na'de Lus. De Manetualain tulu-falis. Nai lelek ladenu mata-mata neu leo kota ndia neu,