BILANGAN 14:34 - Susula Malalaok Hehelu Palak Ma Hehelu Beuk

³⁴ Neukose emi lu'a-lepa emi sala-singom, teuk haahulu dalen-na; teuk esa soona, leken da'di faik esa neme faik haahulu fo emi paken, soaneu palisak besa-besa moo dae ndia. Metema Au la'ban emi soona, neukose emi mame'da mita, he'din-na leobeek!

BILANGAN 14:34 ပူးပေါင်းရင်းမြစ်များ

1RAJA-RAJA 8:56

“Koa-kio Manetualain fo Ana fe basa mole-dame neu anan-nala sama leo hata fo Ana helun tunga atan Musa. Basa hata malole fo Ana helu ka, Ana tao natetun so.

2TAWARIKH 36:21

Leondiak hata fo Manetualain nafa'dan tunga Yeremia, ana da'di nae neukose nusak ndia ana da'di dae tokotiik teuk hituhulu dalen-na da'di leo ngganggatik neu teu-teuk Sabat fo ala ta taoafik-kana fa.

MAZMUR 105:42

Nana Manetualain nafandele hehelu-balataan neu atan Abraham.

MAZMUR 38:4

Au amahe'di belak, nanahu O nasa-melum; ta hapu so'da-la'dak nai au aopaang-na fa, nanahu au sala-singong.

MAZMUR 77:8

“Losa dodoon-na, Manetualain tipa ma dalen-na ta nahiik so'on do?

MAZMUR 95:10

Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

YESKIAL 14:10

Nau nabi ndia, do sila fo, loke nanoli-nafa'dan boe, neukose ala hapu huhukuk matak esa.

YESKIAL 23:35

Manetualain Fo Mademaina, nafa'da nae, “Hu kande o mafandeleheni Au, ma o masadea Au so, de neukose o doi-doso hu kande o nasa sasao-aanam manafo'am-ma, ma o manasosoa-pioam-ma.”

YESKIAL 4:6

Basa ndia soona, o mangape'uk menik o boboa konam-ma, faik haahulu dalen-na, fo mame'da mita huhukuk soaneu hataholi Yehuda-la salan-na, fo faik esa soona, belin-na ba'u sila huhukun teuk esa.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

IMAMAT 20:19

Metema touk esa, ana sungu no te'on soona, duas muse lu'a-lepa la'olenak ndia buna-boan.

ZAKHARIA 11:10

Boema, au ho'i-a aitete'ek fo au foin na'de “Dale Malole” ndia, de au helu la'din, fo tao nakamate hehelu-balataak fo Manetualain Manakoasa taon no basa leoina-la.

BILANGAN 13:25

Manamakuk sila-la, ala maku besa-besa loo nusak ndia, faik haahulu dalen-na, boema ala fali ma'is,

BILANGAN 18:23

Mulai besak ia, ka'da hataholi Lewi-la, nde bole ito-ato Au Lalaa Temang-nga, ma ala mete-lakanae ue-le'dis ndia Nakanenetek ndia boeo, nanapakek soaneu o tititi-nonosim losa dodoon-na. Hataholi Lewi-la, ta hapu baba'ek nai Israel fa,

BILANGAN 32:13

Manetualain namanasa leoina Israel-la, nalosa Ana po'ilotak-kasa, laleu-lalaak lai moo solokaek-ka, teuk haahulu dalen-na, losa mate la'iesak bobongik fo, manalena-la'ban paletan-na.

HATAHOLI 13:18

Ana ta haelai namanasa ha'da-tatao nala, nai lelek fo leme mo maloa teuk hahulu dale na.

ULANGAN 2:7

Mafandendelek, tao leo beek de, emi Manetualaim-ma, fe emi baba'e-papalak nai basa hata lala'en fo emi tao-no'in. Nakaboboi emi, nai lelek emi maleu-malaak nai moo solokaek maloaina ia. Nasulu-nahapa emi, nai teuk haahulu ia dalen-na, ma Ana fe emi, basa hata lala'en fo emi paluun.

IBRANI 4:1

Naa, Manetualain hala-hehelu na bei paken, de neukose ita nanafe mamana hahae aok fo Ana helu ka. Da'di ela leo bee na ita tanea, fo ela boso hapu hataholi esa boen nai emi dalek, ana ta hapu masok leo mamana hahae aok fo nanahelu basak ndia dalek neu fa.

YOSUA 14:10

Besak ia, Manetualain nafa'da basa dede'ak ndia neu Musa, teuk haahulu lima ia so. Dede'ak ndia, ana da'di ndek lelek hataholi Israel-la bei laleu-lalaak leme moo solokaek-ka. Ma sama leo Manetualain helu basan, de Manetualain boeo, nasulu-nahapa au so, nalosa au aso'da ahele losa besak ia. Mitak besak ia, au teung faluhulu lima so,

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.