BILANGAN 14:30 - Susula Malalaok Hehelu Palak Ma Hehelu Beuk

³⁰ Nai emi dalek, ta hapu hataholi esa boen, fo teun duahulu leo lain neu, neukose ana masok leo nusak fo Au helu fen neu emi ndia fa, te ka'da Kaleb ma Yosua nde masok leo dalek leu.

BILANGAN 14:30 ပူးပေါင်းရင်းမြစ်များ

KEJADIAN 14:22

Tehu, Abram nataa nae, “Au soo nai Manetualain, Fo Mademaina, manamaka dada'dik lalai-a, ma daebafak-ka matan,

MAZMUR 95:11

Boema Au soo-supa nai Au nasa-melung dale ae, neukose ala ta masok leo, nusak ndia dalek leu fa, fo ala hahaeaon-nala, sama-sama loo Au.”

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

YESKIAL 20:15

Nai moo solokaek ndia boe, Au fes nasanene'da mahelek, ae neukose Au ta o leoina Israel-la, masok leo Au sadia fes dae-a leu, dae fo kamasu'ik ma maoe-maisik, ma malole nanseli nai basa daebafak-ka lala'en-na.

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

BILANGAN 14:24

Tehu ba'eneu Au atang Kaleb soona, ta leondiak fa. Ana lilineka nahele Au. Hu ndia de, neukose Au on leo nusak fo, ana masok hain ndia so. Besak ia, hataholi Amalek-kala, ma hataholi Kanaan-nala, leo lai masadokek ndia. Tehu, neukose, Au atang Kaleb tititi-nonosin-nala lanuu nusak ndia. Balahaa soona, emi muse lepos fali leo moo solokaek-ka, fo meu leo moo solokaek, fo manaleo Namo Akaba neu.”

BILANGAN 14:38

Neme manamakuk ka sanahulu duak sila-la, ela ka'da Yosua ma Kaleb nde bei maso'dak-kala.

BILANGAN 26:65

Manetualain nafa'da basa, nae neukose mate la'iesak-kala lai moo solokaek-ka. De memak tete'ek-ka, mate la'iesak-kasa leme moo solokaek-ka, de ela ka'da Kaleb, fo Yefune anan-na, ma Yosua, fo Nun anan-na.

BILANGAN 32:12

Huhukuk ndia, la'e basa hataholi-la, ta'da fe'e Kaleb, fo Yefune hataholi Kenas ndia, anan-na, ma Yosua, fo Nun anan-na, nanahu sila dua, lilineka lahele neu Manetualain.

NINITAK 10:6

Ana soo-supa ninik Manetualain fo maso'dak losa dodoo na, ma mana makadada'dik lalai a, daebafa ka, ma tasi no basa hata lala'en fo manai dale ka. Ata nusa so'dak ndia nae, “Fai na neukose ta nakadodoo kana so'on!”