BILANGAN 14:22 - Susula Malalaok Hehelu Palak Ma Hehelu Beuk

²² ae neme hataholi ia-la mai, ta hapu maso'dak esa boen, soaneu ana masok leo nusak fo, Au helu basan neu sila bei-ba'i kain-nala so. Nana ala ta nau tunga Au, ma ala so'ba Au do'e-do'e. Te se'kona, lita basa Au mandela-masa'ang, ma Au tao manada'di beuk-kala leme Masir ma neme moo solokaek-ka so.

BILANGAN 14:22 ပူးပေါင်းရင်းမြစ်များ

KEJADIAN 31:41

Au so'dang-nga leondiak, nai lelek au aue-ale'di fe To'o teuk duahulu dalen-na. Au aue-ale'di teuk sanahulu haa dalen-na, fo sue kande au hapu To'o ana ka duan sila-la, ma teuk nee seluk, fo au hapu bi'ihii bi'ilopo sila-la. Ma nai lelek ndia boe, To'o naketu nasafali au ngga'ding-nga losa la'i sanahulu.

KEJADIAN 31:7

Leomae leondiak boe, ana ke'di-na au so, de naketu nasafali au ngga'ding-nga losa la'i sanahulu. Tehu Manetualain ta po'ilotak-kana, tao mangalauk neu au fa.

AYUB 19:3

Emi makamumulu-makamamaek au, la'inono'ik, ma emi ta bii-mae, fepa-li'u au fa.

MAZMUR 106:14

Nasan-nala dudungu-papaus, leme moo solokaek-ka, de ala so'ba Manetualain.

MAZMUR 106:26

Boema Ana soo, ma Ana helu nae, neukose Ana taonisas nai moo solokaek-ka.

MAZMUR 78:41

Ala so'ba Manetualain la'i ba'uk-ka, ala tao susa Israel Manetualain Fo Malalao-malalafuk-ka.

KELUARAN 14:11

Lafa'da Musa lae, “Ade nai Masir ta hapu lates fa, nalosa o moo ami, fo ela ami mate nai mamanak ia do? Mitak o tatao-nono'im ndia nininin-na dei!

KELUARAN 15:24

Boema hataholi sila-la beemumu loo Musa ma latane lae, “Neukose ita tinu beek?”

KELUARAN 16:2

Nai moo solokaek ndia, basa-basas lakamuu-muu Musa ma Harun.

KELUARAN 17:2

Boema, ala beemumu loo Musa ma lae, “Fe ami oe nininuk.” Musa nataa nae, “Tao le'e de, emi makamu ma emi so'ba-su'di Manetualain?”

KELUARAN 17:3

Tehu hataholi sila-la maan-nala ma'da nanseli, de beemumu lahele Musa. Lafa'da lae, “Tao le'e de, o moo ami kalua meme Masir mai? Fo ela ami moo ami anam-mala, ma ami bana-manum mate no maa ma'dak-ka do?”

KELUARAN 17:7

Ala foi mamanak ndia na'de Masa nanahu nai mamanak ndia, hataholi Israel-la so'ba-su'di Manetualain, nai lelek latane lae, “Ade Manetualain no ita do ta?” Ala foi mamanak ndia boeo na'de Meriba nanahu nai mamanak ndia, hataholi Israel-la lakamuu-muu.

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”

KELUARAN 5:21

Mandol sila-la lafa'da lae, “Manetualain, bubuluk emi tatao-nono'im! Neukose Ana huku emi! Emi nde taom-ma manek-ka no hataholi mana'a ngga'din-nala, ta lahiik ami fa, nalosa ala nau taolisa ami.”

YESAYA 42:20

Israel, o mita makadotok, tehu o ta taoafik neu fan, o madi'idook, tehu o ta mamanene fa.”

DANIAL 1:20

Metema manek-ka nafa'da dede'ak esa, fo dede'ak ndia paluu lafa'da mangalele'don ma tai-dodook soona, ana bubuluk touana muli-solu ka haak sila-la kokoe-nanasin ma hahapun-nala malole lena la'i 10 neme basa hataholi mananeuk nalelak manda'dik manamaik-kala, boema dukun manai ndia nusan-na lala'en-na, nanoli-nafa'dan ma hahapun-nala.

MALEAKHI 3:15

Ita tita matan, hataholi manakoao-ndaeaok-kala laua-lanale. Hataholi mangalauk-ka, so'dan-na ta ka'da boetai malole ka fa, tehu metema ala so'ba Manetualain dale susue-na, nenik ala tao tatao-nono'i mangalauk, te ala ta hapu susa-soe boen.’ ”

BILANGAN 11:1

Neu faik esa boema, leoina ndia mulai haladoi neu Manetualain la'eneu sila toto'a-tataan. Manetualain namanene sila haladoin ndia boema namanasa, de Ana fe ha'i mai neus. Ha'i ndia sii lapa-lapa nai sila tala'da, de na'a heni lalaa ofu-a seli.

BILANGAN 11:4

Nai hataholi Israel sila-la leleo-lala'on-na dalek, hapu hataholi nusa dea-la tunga boe. Hataholi sila lahiik lanseli la'a paa, ma hataholi Israel-la boeo mulai haladoi. Lafa'da lae, “Ah, See kande, neukose ana fe ita ta'a paa?

BILANGAN 12:1

Musa saon-na ina Kus esa, de Mariam no Harun tao sasa'ok ndia da'di netes, fo lakamuu Musa.

BILANGAN 14:11

Manetualain nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

BILANGAN 14:2

Ala bemumu loo Musa no Harun lae, “Malole lenak, ita mate nai Masir, do nai moo solokaek ia. Nemen-na fo, ata mate leona.

BILANGAN 32:12

Huhukuk ndia, la'e basa hataholi-la, ta'da fe'e Kaleb, fo Yefune hataholi Kenas ndia, anan-na, ma Yosua, fo Nun anan-na, nanahu sila dua, lilineka lahele neu Manetualain.

MATEOS 4:7

Boema Yesus nataa nitu nae, “Tehu nai Susula Malalaok dale boeo nana sulak nae, ‘O boso so'ba o Lamatuam Manetualain.’ ”

1 KORINTUS 10:5

Leomae leondiak boe, sila ba'u ka, Manetualain ta hii fas, hu ndia de mates de popola nala lalefule'ak nai mo solokae ka.

1 KORINTUS 10:9

Ita ta bole so'ba-so'ba to Lamatua ka, sama leo makahulu na sila nggelok so'ba Lamatua ka de nalosa menge malaso ka ana kaa nisas.

ULANGAN 9:7

Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.

IBRANI 3:9

Nai naa, ‘Emi bei ba'ikai mala, ala so'ba-su'di Au’, Manetualain nae, ‘te see ko na, ala lita basa Au tatao-nono'ing, teuk hahulu dale na so.’