BILANGAN 14:19 - Susula Malalaok Hehelu Palak Ma Hehelu Beuk

¹⁹ Manetualain, besak ia, hu kande O dale kasiam-ma ba'un-na seli, ma O lilineka neu O hehelum-ma, de au dokodoe, fe do'o do ampon neu hataholi ia-la, sala-singon-nala, sama leo O fe do'o do ampon neus, neme ala la'oela dae Masir-ra.”

BILANGAN 14:19 ပူးပေါင်းရင်းမြစ်များ

1RAJA-RAJA 8:34

ela leo been-na O mamanenes nai nusa so'dak-ka. Sa'di leo been-na O fe do'o do ampon neu O anam ia la sala-singon, ma moos fali leo nusak fo O fe basan neu sila bei-ba'i kai nala so.

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

MAZMUR 78:38

Tehu Manetualain sue-lai, ma fe do'o do ampon neu anan-nala, de Ana ta tao namopo-namate fas. La'i ba'uk-ka, nakatatakak nasa-melun, ma ta nafofo'a nasa-melun fa.

MAZMUR 85:2

O matetu-mandaa neu O daem-ma, ou Manetualain, O tao mabebeu Israel so'dan-na so.

KELUARAN 32:32

Sa'di leo been-na, O fe do'o do ampon neu sala-singon-nala; metema ta soona, loseheni au na'deng fo O sulak basan nai O Susalam dale.”

KELUARAN 33:17

Manetualain nafa'da Musa nae, “Neukose Au tao atetu o nonokem-ma, nana Au alelak o, ma Au daleng-nga nandaa no o.”

KELUARAN 34:9

Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

DANIAL 9:19

Manetualain, mamanene ami, fe do'o do ampon neu ami, taoafik neu ami ma ho'i nakeketuk no lai-laik! Boso makadodook-kana, fo ela basa hataholi-la bubuluk lae O nde Manetualain. Nana O nuu matetum Yerusalem ma O anam-mala.”

AMOS 7:2

Lamak sila hii-hii nae la'a basa na'u-aiana manai dae lain-na. Boema au afa'da ae, “Manetualain Fo Mademaina, fe do'o do ampon neu O anam-mala! Sila kome'doana nanseli, ma tapandoes-sala, de tao leo bee fo bisa lakatatakak?”

AMOS 7:5

Boema au afa'da ae, “Ou Manetualain Fo Mademaina, ela leo been-na, fe ha'i ndia nate'e leon! O anam-mala kome'doana nanseli, ma tapandoes-sala, de tao leo bee fo bisa lakatatakak?”

YUNUS 3:10

Manetualain nita sila tatao-nono'in-nala. Nita, ala tu'u-tapa heni sila ha'da-tatao mangalaun-nala so. Boema Ana dodoo nasafali nakeketun-na, de Ana ta da'di huku fas.

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.

YAKOBIS 5:15

Metema ala hule-haladoi no namahehelek soona, neukose Amak Manetualain nakahahaik hataholi kamahe'dis ndia, ma Ana fe do'o do ampon neu sala-singok fo, ana tao no'i nana.