BILANGAN 14:14 - Susula Malalaok Hehelu Palak Ma Hehelu Beuk

¹⁴ de neukose, ala tuin neu nusak ia hataholin-nala lamanene basa, lae O, fo Manetualain, sama-sama moo ami. Boeo, lamanene basa, lae O matu'du O aoinam-ma neu ami, nai lelek O la'ok nai ami uluk, nai dii ko'as dale, nai fai lele'don-na, ma nai dii ha'ik dale, nai fai leodaen-na.

BILANGAN 14:14 ပူးပေါင်းရင်းမြစ်များ

KEJADIAN 32:30

Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel.

NEHEMIA 9:12

O mauli-malangas nai fai lele'don-na, nenik ko'as bubuak esa. Ma nai fai le'odaen-na, O tao mangale'do enon-na nenik dii ha'ik-ka.

NEHEMIA 9:19

Tehu O ta la'oela fas, nai moo solokaek ndia fa, nanahu O henuk no susue-lalaik-ka. O ta fe'a heni dii ko'as-sa ma dii ha'ik-ka fa, manamatu'du sila enon-na nai fai lele'don-na ma fai le'odaen-na.

MAZMUR 105:39

Manetualain nakapepela ko'as-sa, fo nasulu anan-nala, ma ha'i fo nasalaa, nai fai le'odaen-na.

MAZMUR 78:14

Ana hela-noles nenik dii ko'as-sa, nai fai lele'don-na, ma nenik dii ha'ik-ka, nai fai le'odaen-na.

KELUARAN 15:14

Leoina-la lamanene, de ala dele bengge'be; hataholi Filistin-nala ma basa mauli-malanga Edom-mala lakalupu-lakasee. Hataholi Moab mabe'i-balakaik-kala dele ngge'be-ngge'be hataholi Kanaan-nala dalen-nala ba'ihana.

KELUARAN 33:11

Manetualain kokolak no Musa matak no matak, sama leo hataholi-a kokolak no nonon-na. Basa ndia soona, Musa fali leo mamana ofu neu. Tehu Yosua, Nun anan-na, hataholi muli-soluk esa, fo Musa manatulu-falin-na, nahele neme Lalaa Temak ndia dalek.

KELUARAN 33:16

Tao leo beek fo neukose hataholi ia-la bubuluk lae au ma leoina ia mandaa moo O dalem-ma, metema O ta tulu-fali ami fa. Manetualain mamain-na nai ami tala'daheom, neukose ana tao na ami fe'ek neme leoina fe'ek manai daebafak-ka.”

KELUARAN 40:38

Nai lelek leoina Israel-la bei laleu-lalaak, Manetualain nai Lalaa Temak ndia dalek fo nalupa ko'as nai fai lele'don-na, ma nalupa ha'i nai fai le'odaen-na.

BILANGAN 10:34

Metema ala la'o leme mamana ofu mai soona, nai fai lele'don-na, Manetualain ko'an-na nai sila lain tataas esa.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 14:9

Tehu Yesus nataa nae, “Au o emi doo-doo basa ia so, ma tao le'e de, o beita malelak Au boen, Felipus? See nita Au soona, nita Ama ka nde ndia so. Tao le'e de, o mafa'da mae, ‘Matu'du Ama ka neu ami leona’?

1 KORINTUS 13:12

Hata fo ita titan nai besak ia nde bee na, sama na leo salaok fo keluha'buk nai titinok dale. Tehu mahani te, neukose ita titan no mangale'ok tutik. Besak ia au beita bubuluk basa hata lala'ena fa, tehu mahani te, neukose au bubuluk la'iesa kasa, sama leo Manetualain bubuluk basa au aoina nga lala'ena.

ULANGAN 1:19

“Boema, nandaa no ita Manetualain paletan-na, de ita la'oela Letek Sinai-a, boema ita la'ok tunga moo solokaek maloina, ma henuk no bibii-namata'uk-ka, ita teu leo hataholi Amori-la dae letelepan-na teu. Nai lelek ita losa Kades-Barnea boema,

ULANGAN 34:10

Nai Israel, ta hapu seluk nabi sama leo Musa, fo ana kokolak nasasalematak no Manetualain fa.

ULANGAN 5:24

Lafa'da lae, ‘Manetualain fo ita Manetualain-na natu'du basa matua-mademan, ma mandela-masa'an, nai lelek ami mamanenen Ana kokolak neme ha'i dale mai. Faik ia dalen-na, ami mita matam mae Manetualain kokolak no hataholi daebafak-ka, tehu ta mate hataholi ndia fa.

ULANGAN 5:4

Manetualain nau kokolak no ita, matak no matak neme ha'i dale, nai letek ndia lain.

YOSUA 5:1

Basa mane Amori manai Lee Yarden-na boboan muli, ma basa mane Kanaan manai Tasi Tala'dak-ka su'un-na, lamanene lae Manetualain Manakoasa, tao nama'da lee Yarden-na, nai lelek hataholi Israel-la lena lee ndia. Boema ala bii ma ala dele bengge'be, nanahu hataholi Israel-la.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.