BILANGAN 14:13 - Susula Malalaok Hehelu Palak Ma Hehelu Beuk

¹³ Boema, Musa nafa'da Manetualain, nae, “Ou Manetualain, neukose hataholi Masir-rala, lamanene dede'ak ndia! Te se'kona, no O koasam-ma, de O moo falik ami meme nusak ndia mai so,

BILANGAN 14:13 ပူးပေါင်းရင်းမြစ်များ

MAZMUR 106:23

Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

ULANGAN 32:27

Tehu Au ta nau Israel musun-nala, lamatutua-lamadedema aoinan-nala fa; fafa'kama, ala dudu'a-dodoo sala, fo lafa'da lae sila sengi Au anang-ngala,’ te se'kona, Au nde tao basa ia-la.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so