BILANGAN 14:11 - Susula Malalaok Hehelu Palak Ma Hehelu Beuk

¹¹ Manetualain nafa'da Musa nae, “Hataholi ia-la, la'ban Au losa faihi'da? Losa faihi'da seluk bai, fo hataholi ia-la ta nau lamahele Au fa, leomae Au tao basa manada'di beuk makadotok nanseli, nai sila matan so?

BILANGAN 14:11 ပူးပေါင်းရင်းမြစ်များ

MAZMUR 106:24

Basa boema, ala ta nau sipok nusak mana'ahiik ndia fa, Nanahu, ta lamahele neu Manetualain hehelu-balataan fa.

MAZMUR 78:22

nana, ala ta lamahele neu Manetualain, ma neu koasan fo manasoi-tefan-nala fas.

MAZMUR 78:32

Leomae leondiak boe, anan-nala lasala-lasingo lakandoo, Ana tao manada'di beuk-kala, tehu ta lamahele fa.

MAZMUR 95:8

“Boso malanga batu, sama leo o bei-ba'i kaim-mala leme Meriba, sama leo nai lelek leme Masa, fo nai moo solokaek-ka.

KELUARAN 10:3

Boema, Musa no Harun leu leo manek-ka leu, de lafa'dan lae, “Leoina Ibrani-la Manetualain fo nde Manetualain-na, nafa'da nae, ‘O ta nau makatele neu Au fa, losa faihi'da? Po'i Au anang-ngala la'o, fo ela ala sene-do'ok neu Au.

KELUARAN 16:28

Boema, Manetualain, nafa'da Musa nae, “Emi ta nau tunga Au paletang-ngala losa faihi'da?

KELUARAN 23:21

Taoafik neun, fo tungan. Boso la'ban-nana, nanahu Au hataholi nadedenung ndia, de neukose ana ta fe do'o do ampon neu emi la'o lenam-ma fa.

KELUARAN 32:9

Au bubuluk ae leoina ndia, nalanga batu nanseli

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

YEREMIA 13:10

Leoina fo mangalauk ia-la langabatu lanseli ma ala ta nau lamahele neu au fa. Ala hule-haladoi, ma sene-do'ok neu kada lamatua daebafak fe'ek. Hu ndia de neukose silasama leo lafa keke'uk fo sosoa-ndandaan tak ndia.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

HOSEA 8:5

Au ta ahiik anseli neu sapi lilopilas fo kota Samaria laun-nala sene-do'ok-ka fa. Au amanasas nanseli. Neukose losa faihi'da, ala tao langgenggeo aoinan-nala tataas esa, nenik ala sene-do'ok neu sosongo-tatangok-ka?

ZAKHARIA 8:14

Manetualain Fo Manakoasa nafa'da nae, “Lelek emi bei-ba'i kaim-mala tao-la Au amanasa, boema Au ho'i nakeketuk fo hukus no balakaik. Au ta hela falik Au nakeketung ndia fa, te Au akalala'o kana.

BILANGAN 14:23

Ta! Neukose ala ta masok nusak ndia fa. Neme sila fo, manala'ban Au-a, neukose ta hapu hataholi esa boen, fo ana hapu ta'bu ein-na neu nusak ndia.

BILANGAN 14:27

“Losa faihi'da hataholi mangalauk sila, bemumu neu Au? Au amanene sila nakamumuun lala'en-na so.

BILANGAN 32:10

Boema nai lelek ndia boe, Manetualain namanasa, nalosa nafa'da nae, ‘Hataholi sila-la, ta lilineka neu Au fa. Hu ndia de, Au soo ae nai lelek ala kalua leme Masir mai-a, sila see teun duahulu leo lain neu soona, neukose ta hapu esa boen, fo ana masok leo Au helu fe Abraham, Isak ma Yakob nusak-ka, dalek leu fa.’

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

MARKUS 9:19

Boema Yesus nafa'da ana mana tunga nala nae, “Emi ia su'di selin! Emi ia hataholi fo te'e-te'e, ta mamahele fa. Au muse leo o emi, ma Au ta haelai amanasa emi losa faihi'da? Mo ni'iana ndia leo ia mai!”

YOHANIS 10:38

Te hu ka nde Au tao-no'in de, mamahele hata fo Au tao-no'ik ndia leona, leomae emi ta nau mamahele Au fa. No enok ndia, emi bubuluk ma malelak mae, Ama ka da'di esa nahele no Au, ma Au da'di esa ahele o Ama ka.”

YOHANIS 12:37

Leomae Yesus tao basa manda'di beuk ba'u ka nai sila matan so, tehu ala ta nau lamahele fan.

YOHANIS 15:24

Leo uni ka, nai sila dalek, metema Au beita tao dede'ak fo hataholi fe'e kala beita tao lita fan soona, ta lasala-lasingo fa. Tehu besak ia, lita basa hata fo Au tao ka so, tehu bei lakamu-lakadau Au o Au Amang.

ULANGAN 1:32

Tehu, leomae au afa'da basa emi ae leondia so boe, emi beita nau mamahele neu emi Manetualain,

IBRANI 3:16

Naa, see ka nde hataholi-hataholi, fo namanene Manetualain hala na, boema ala la'ban selu kana? Hataholi sila la nde, basa hataholi fo Musa hela-noles kalua leme dae Masi ra mai hetu?

IBRANI 3:18

Lelek fo Manetualain soo-supa nae leo ia, “Neukose ala ta masok leo nusak ndia dalek leu, soaneu ala hapu hahae ao nala sama-sama lo Au fa.” Fo Manetualain dudu'a ka nde see ka? Fo nanadudu'a ka nde hataholi-hataholi fo mana la'ban Manetualai na hetu?

IBRANI 3:8

Emi boso malanga batu, sama na leo bei-ba'ikai mala, lelek ala la'ban Manetualai na, boema ala so'ba-su'di Manetualain neme mo solokae ka.