BILANGAN 14:10 - Susula Malalaok Hehelu Palak Ma Hehelu Beuk

¹⁰ Basa laun-na lala'en-na, ala kekeme, sanga tapa lenik-kasa batu, losa mates. Tehu no kaiboik, hataholi sila-la lita Manetualain masa'an-na to'da mai, nai Lalaa Teman lain.

BILANGAN 14:10 ပူးပေါင်းရင်းမြစ်များ

KELUARAN 16:10

Lelek Harun bei kola-kola no basa-basas te, ala mete leo moo solokaek-ka neu, de no kaiboik, lita Manetualain ndela-sa'an nai ko'as dale.

KELUARAN 16:7

Balahaa fafaik soona, neukose emi mita Manetualain mandela-masa'an. Manetualain namanene emi makamuu-muun; nana ami ia, ka'da tao hata fo Ana paletan.

KELUARAN 17:4

Boema Musa naloo bou-bou neu Manetualain nae, “Au muse tao hataholi ia-la le'e? Mitak, ala nau tapa au nenik batu.”

KELUARAN 40:34

Basa boema, ko'as-sa kona mai, de ana potiketu Manetualain Lalaa Teman-na, de Lalaa Temak ndia henuk no Manetualain ndela-sa'an.

IMAMAT 9:23

Basa boema, Musa no Harun leu leo Manetualain Lalaa Teman dale leu. Basa ndia boema, ala kalua falik, de ala ba'e-pala hataholi Israel-la. Boema, basa hataholi Israel-la, lita Manetualain mamain-na ndela-sa'an.

BILANGAN 16:19

Basa boema, Korah naloo nakabubua basa hataholi Israel-la lala'en-na, de lapadeik lasasalematak loo Musa no Harun, nai Manetualain Lalaa Teman-na lelesun-na bafan-na. No kaiboik, basa hataholi Israel-la lala'en-na, lita Manetualain mandela-masa'an nangale'do.

BILANGAN 16:42

Ala bei lakabubua fo la'ban Musa no Harun, te ala lipa leo Manetualain Lalaa Teman-na neu te, lita ko'as-sa potin-na Lalaa Temak ndia, boema lita Manetualain mandela-masa'an.

BILANGAN 17:7

Boema, Musa pe'da ai tete'ek sila-la, nai Manetualain Lalaa Teman dale, fo nai Peti Hehelu-balataak-ka matan-na.

BILANGAN 20:6

Boema Musa no Harun la'oela hataholi sila-la, de lapadeik deka Manetualain Lalaa Teman-na lelesun-na. Ala senek, boema Manetualain mandela-masa'an potin-nalas.

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

HATAHOLI 7:59

Ala bei pia-pia lo Stefanus, te Stefanus nalo ma nae, “Lamatuak Yesus, sipok ma au samane nga!”

SEMUEL SUSULAK-KA ESAN-NA 30:6

Dauk solda'dun-nala, susa lanseli, nanahu mopo sila sao-anan-nala. Hu ndia de, ala sanga tapa Dauk nenik batu. Da'di, Dauk nai toto'a-sosota matua dale, tehu Manetualain fo ndia Manetualain-na, natetea-nahehele seluk dalen-na.