BILANGAN 13:27 - Susula Malalaok Hehelu Palak Ma Hehelu Beuk

²⁷ Lafa'da Musa lae, “Ami palisak matalolole nusak ndia so, de ami mita daen-na kamasu'ik, ma maoe-maisik, ma ami seu meni ai boak lumanak nde ia, neme naa mai.

BILANGAN 13:27 ပူးပေါင်းရင်းမြစ်များ

NEHEMIA 9:25

O anam-mala langatuu-la kota musu-la dae maoe-maisik, ma uma henuk no su'i-betes. Ala besla-la oedolu-la, ma oemata-la. Osi anggol, ai setun ma ai boa fe'e-fe'ek-kala. Laao nanahu la'a-linu su'di bebe'ik-ka. Lame'da O baba'e-babati malolem lala'en-na.

KELUARAN 13:5

No soo-supak, Manetualain helu emi bei-ba'i kaim-mala, fo Ana fe emi leoina Kanaan, Het, Amori, Hewi ma Yebus nusan-na. Manetualain no basa emi leo nusak fo kamasu'i-makabetek, ma maoe-maisik ndia neu so, de tunga teuk, nai hataholi Yahudi-la bula Abib-pa dalek, emi muse tao feta ia.

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KELUARAN 33:3

Emi la'ok masale leo dae kamasu'i-makabetek ma maisi-mamina meu. Tehu Au ta tunga emi fa, fo ela Au boso tao amopo-amate emi nai eno tala'dak, nana emi nde been-na leoina langa batuk.”

YEREMIA 11:5

Metema sila tao-no'i basa sila-la soona, neukose Au tao atetu Au hala-hehelung-nga neu sila bei ba'i-kain-nala ae, nusak fo maisi-mamina ma tetu-temak fo besak ia ala langatu lak ndia, neukose Au fen neu sila.” Au ataa ae, “Malole, Manetualain.”

YEREMIA 32:22

Nusak fo neulauk-ka ma malole-manapuk ia, O fen neu sila, sama leo hata fo O helu basak-ka neu sila be'i-balakai manamaten-nala.

YESKIAL 20:15

Nai moo solokaek ndia boe, Au fes nasanene'da mahelek, ae neukose Au ta o leoina Israel-la, masok leo Au sadia fes dae-a leu, dae fo kamasu'ik ma maoe-maisik, ma malole nanseli nai basa daebafak-ka lala'en-na.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.

IMAMAT 20:24

Au helu basa, Au fe emi dae fo kamasu'i-makabetek, ma maoe-maisik ndia, fo da'di emi pusakam. Au nde emi Manetualain, fo manata'da fe'e emi neme leoina fe'ek-kala mai.

BILANGAN 14:7

Lafa'da basa laun sila-la lala'en-na lae, “Nusak fo ami meu maku besa-besa moon ndia, lolen-na seli.

BILANGAN 14:8

Metema Manetualain sue ita soona, neukose no ita leo naa teu, fo Ana fe dae kamasu'ik ma maoe-maisik ndia leo ita mai.

BILANGAN 16:13

O moo ami kalua meme dae Masir fo maoe-maisik ndia mai, soaneu taomisa ami nai moo solokaek ia, de ndia beita dai fa do? Ade o muse paleta ami boe do?

BILANGAN 16:14

Tete'ek-ka, o ta moo ami leo dae maoe-maisik ndia meu, do fe ami tina ma osi angol, fo da'di ami pusakam fa. Besak ia, o nau ke'di-ndiu ami bai! Ta, ami ta nau meu fa!”

ULANGAN 11:9

Ma neukose, emi maso'da mala dook-ka, nai nusa kamasu'ik ma maoe-maisik fo, Manetualain helu basa, Ana fen leo emi bei-ba'i kaima-mala no tititi-nonosin-nala neu.

ULANGAN 26:9

Basa boema, O moo ami leo ia mai, de O fe ami dae kamasu'ik ma maoe-maisik ia.

ULANGAN 27:3

Sulak la'iesak hoholo-lalanek ia-la, de'ek esa-esa neu batu sila. Metema, emi masok nusa kamasu'ik ma maoe-maisik fo, emi Manetualaim-ma helu basan neu emi bei-ba'i kaim-mala,

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

ULANGAN 6:3

Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.