BILANGAN 13:20 - Susula Malalaok Hehelu Palak Ma Hehelu Beuk

²⁰ Matetea-mahehele emi dalem-ma. Mete su'dik, daen-na maoe-maisik, ma ain-nala ba'uk-ka do ta. Mafandendelek, fo seu meni ai manamolik manai naa-la, boan lumanak dei.” Lelek ndia, la'e fai ketu-seu angol-la boa makasososan-na.

BILANGAN 13:20 ပူးပေါင်းရင်းမြစ်များ

1 TAWARIKH 22:11

Boema Dauk nafa'da seluk nae, “Besak ia, anango nei, ela leo been-na o Amam Manetualaim tulu-fali o tataasesa. Ma ela leo been-na o hapu mapadedeik uma soaneu Manetualain sama leo hata fo Ana helun.

NEHEMIA 9:25

O anam-mala langatuu-la kota musu-la dae maoe-maisik, ma uma henuk no su'i-betes. Ala besla-la oedolu-la, ma oemata-la. Osi anggol, ai setun ma ai boa fe'e-fe'ek-kala. Laao nanahu la'a-linu su'di bebe'ik-ka. Lame'da O baba'e-babati malolem lala'en-na.

NEHEMIA 9:35

O fe basa manek fo manapaleta O anam-mala, nai lelek ala leo nai dae maloaina ma maoe-maisi. Tehu ala ta nau la'o ela so'da mangalaun-nala fa, ala ta nau fe so'dan-nala neu O, boema ala ta nau sene-do'ok fa.

YESKIAL 34:14

Tete'ek-ka, neukose Au sadia fes mook mana'u momo'dok-kala lai dae Israel-la letelepan-nala, ma lai bafak-kala. Neukose ala lu'u lai naa, ma la'a na'u no nee-nee lino-linok.

DANIAL 11:24

No ke'di-ndiuk, neu sapu-na nggolok maoe-maisik-kala, nai lelek laun-nala laso'da no nee-nee lino-linok nai ndia. Neukose ana tao-no'i hata fo bei-ba'i kain-nala beita tao-no'i lita fan. Boema neukose, ana baba'e fe basa manatia-toba-nana, bua-lo'as fo ana loso nenik-kala, ma su'i-betes fo ana hapus nai natee-natatik dale. Neukose ana sanga enok, fo neu sapun-na mamanak fo makota musuk-kala, tehu no lai-laik basa fain-na so.

MIKHA 7:1

Au soe! Au sama leo hataholi kamala'ak fo neu sanga ai boak nai ai fo fai naboan-na seli so. Ta hapu ai boak nai ai-la so'on. Ala seu basa angol boak ma kaa boa malole-la so.

BILANGAN 13:19

Palisak, ade nusak ndia malole do ta, ma ade laun-nala leo lai nggolok-kala, nai masadokek, do lai kota-kota fo makota musuk-kala dalek.

ULANGAN 1:24

Ala masok dae letelepak ndia, dodoon-na losa leo Bafak Eskol-la neu, boema ala la'ok okofefeon.

ULANGAN 1:25

Basa boema, ala fali ma'is, de leni fe ita ai boak manai naa-la, ma lafa'da, lae nusak fo neukose ita Manetualain fen neu ita ndia, maoe-maisik nanseli.

ULANGAN 31:23

Basa boema, Manetualain nafa'da Yesua, fo Nun anan-na nae, “Yesua, ela leo been-na, matetea-mahehele o dalem-ma, ma mapalani! Te neukose, o mauli-malanga leoina Israel-la, masok leo nusak fo, Au helu basa, fen leo sila neu, fo neukose Au tulu-falis.”

IBRANI 13:6

Hu ndia de, ita tapalani tafa'da tae, “Au Lamatua nga nde bee na, au manatulu-faling, de au ta bii fa. Hata fo hataholi daebafa ka, hapu tao-no'in neu au?”

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

YOSUA 2:1

Basa boema, Yosua nadenu hataholi manamakuk dua leme Sitim leo Kanaan leu. Hataholi ka duak sila-la hapu paleta, fo leu palisak matalolole nusa Kanaan-na, no nafufunik fo makasososan-na leu leo kota Yerikho leu. Boema leu leo kota ndia leu, de ala sungu leme ina manasosoa-piaok esa na'de Rahab, uman.

YOSUA 2:3

Boema manek-ka nadenu hataholi neu leo Rahab neu, fo nanduku-nalosak paleta nde ia nae, “Kalua heni hataholi manasungu nai o umam ndia. Hataholi sila nde been-na, hataholi manamakuk, de ala mai palisak lutu-lutuk basa dae Yerikho lala'en-na!”