BILANGAN 12:8 - Susula Malalaok Hehelu Palak Ma Hehelu Beuk

⁸ Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

BILANGAN 12:8 ပူးပေါင်းရင်းမြစ်များ

KEJADIAN 32:30

Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

MAZMUR 49:4

Neukose au kokolak dede'a-kokolak manatee-tenok, au dudu'a-aafing deman-na seli.

KELUARAN 19:19

Pupuuk-ka liin-na boetai napane'ek. Musa kokolak, ma Manetualain nataa nenik mangguluk-ka.

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

KELUARAN 33:11

Manetualain kokolak no Musa matak no matak, sama leo hataholi-a kokolak no nonon-na. Basa ndia soona, Musa fali leo mamana ofu neu. Tehu Yosua, Nun anan-na, hataholi muli-soluk esa, fo Musa manatulu-falin-na, nahele neme Lalaa Temak ndia dalek.

KELUARAN 33:19

Manetualain nataa nae, “Neukose Au la'ok tunga emi matam nenik basa Au matua-mademang lala'en-na, boema Au seseik Au na'de malalao-malalafung-nga. Au nde Manetualain, de Au atu'du Au dale maloleng-nga, ma Au dale susue-lalaing neu hataholi fo Au helek-kala.

KELUARAN 33:23

Boema neukose Au hela falik Au limang-nga, fo ela o hapu mita Au neme dea mai, tehu neukose O ta mita Au mata-panang fa.”

KELUARAN 34:30

Harun no basa laun-na lala'en-na lita Musa mata-panan nandela-nasa'a, de ta lapalani deka fan.

AMSAL 1:6

No enok ndia, ala hapu lalelak besa-besa loo sosoa-ndandaak, fo nananafunik nai nanoli-nafa'dak-ka dalek, ma ala hapu lalelak besa-besa loo hataholi manatee-tenok-ka hala-kokolan, boema hataholi manatee-tenok-ka fe dede'a mateaina-la.

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

YESAYA 46:5

Emi nau makasasamak Au o see? Ade hapu hata fo, sama no Au do?

YESKIAL 17:2

“Hai hataholi daebafak fo, manasapu-manalalok-konei, tui fe hataholi Israel-la, nakandandaak esa ia.

YESKIAL 20:49

Tehu au fo Yeskial, au afa'da au hahapung-nga nae, “Manetualain Fo Mademaina, boso madenu au afa'da dede'ak ndia! Basa hataholi-la, ala haladoi so, nana au nau kokolak nenik dede'a nakandandaak, nalosa ta lalelak sosoa-ndandaan fa.”

HOSEA 12:13

Yakob fo ita bei-ba'i kain-na, nalai leo Mesopotamia neu, boema soaneu hapu saoinak, de ana da'di ata neu hataholi manai naa-la, ma ana foo hataholi ndia bi'ilopon-nala.

BILANGAN 14:14

de neukose, ala tuin neu nusak ia hataholin-nala lamanene basa, lae O, fo Manetualain, sama-sama moo ami. Boeo, lamanene basa, lae O matu'du O aoinam-ma neu ami, nai lelek O la'ok nai ami uluk, nai dii ko'as dale, nai fai lele'don-na, ma nai dii ha'ik dale, nai fai leodaen-na.

BILANGAN 7:89

Metema Musa neu leo Manetualain Lalaa Teman dale neu, fo ana kokolak no Manetualain soona, namanene Manetualain kokolak non neme Peti Hehelu-balataak-ka tatanan lain mai, fo Peti Hehelu-balataak ndia, nai mahahae nusa so'da ka duak-kala dodoki-dudulan tala'da.

MATEOS 13:35

No enok ndia, hata fo nabi la lafa'da basa ka ana da'di nae, “Metema Au kokolak o hataholi sila la soona, Au pake nakandandaak; neukose Au tui-benga dede'a nananafuni kala, mulai neme daebafak ia dada'di na mai.”

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

YOHANIS 15:24

Leo uni ka, nai sila dalek, metema Au beita tao dede'ak fo hataholi fe'e kala beita tao lita fan soona, ta lasala-lasingo fa. Tehu besak ia, lita basa hata fo Au tao ka so, tehu bei lakamu-lakadau Au o Au Amang.

1 KORINTUS 13:12

Hata fo ita titan nai besak ia nde bee na, sama na leo salaok fo keluha'buk nai titinok dale. Tehu mahani te, neukose ita titan no mangale'ok tutik. Besak ia au beita bubuluk basa hata lala'ena fa, tehu mahani te, neukose au bubuluk la'iesa kasa, sama leo Manetualain bubuluk basa au aoina nga lala'ena.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

ULANGAN 18:15

Nasafalin-na, neukose Ana fe emi nabi esa, sama leo au, fo emi muse tungan.

ULANGAN 34:10

Nai Israel, ta hapu seluk nabi sama leo Musa, fo ana kokolak nasasalematak no Manetualain fa.

ULANGAN 4:15

“Mafandendelek matalolole! Te nai lelek Manetualain kokolak no emi neme ha'i dale mai, fo neme Letek Sinai-a, emi ta mita hata esa boen.

ULANGAN 5:8

Boso doki-dulak dodoki-dudulak fo nalupa su'di hata beek nai lalai, nai daebafak-ka, do nai oe dale, fo nai daebafak-ka buin-na.

KOLOSE 1:15

Kristus nde bee na Manetualai naoina na dula mangale'don fo nananita tak, Kristus nde bee na ana uluk, fo lena heni basa hata nananaka da'dik lalae'na.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

IBRANI 1:1

Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

2 PETRUS 2:10

nakalenak ba'eneu hataholi mana tunga nasa-melun hihii-nanau manggenggeo nala, ma hataholi fo lakamumulu-lakamamaek Manetualain koasa na. Mese masapepekok sila la lapalani ma koao-ndaeao lanseli, nalosa ala ta hiapenge lakamumulu-lakamamaek basa hata maso'da mandela-masa'ak manai nusa so'da ka boe!

YUDAS 1:8

Tehu hataholi mangalauk fo mana talipeok sila la leondiak boe. Ala tao langgengeeo ao paa nala ninik me'i-afe nala. Lakadadaek Manetualain koasa na, boema lakamumulu-lakamamaek basa ata nusa so'dak manai nusa so'da ka.