BILANGAN 12:6 - Susula Malalaok Hehelu Palak Ma Hehelu Beuk

⁶ boema Manetualain nae, “Mamanene Au dede'a-kokolang ia-la! Metema nai emi dalek, hapu nabi esa soona, Au atu'du Au aoinang-nga neun, nai ninitak-kala dalek, ma Au kokolak on nai me'is dale.

BILANGAN 12:6 ပူးပေါင်းရင်းမြစ်များ

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

KEJADIAN 20:7

Tehu besak ia, fe falik-kana leo saon-na neu. Saon-na nabi esa, de neukose ana hule-haladoi soaneu o, fo ela boso mate o. Tehu metema, o ta nau fe falik-kana fa soona, mafandendelek te, neukose mate o moo basa o laum-mala lala'en-na!”

KEJADIAN 28:12

Basa boema, nalame'i nita e'dak esa napadeik nai daebafak-ka, de pe'dan-na losa lalai, ma ata nusa so'dak-kala kona-kae nai e'dak ndia.

KEJADIAN 28:16

Boema, Yakob fo'a neme susungun-na mai, de nafa'dan nae, “Manetualain nai ia, fo nai mamanak ia, tehu besak-ka besak ia, au bubuluk-kana!”

KEJADIAN 37:5

Nai le'odaek esa boema, Yusuf nalame'i, de lelek ana tui me'in ndia neu ka'an-nala boema, ala boetai lakamuu-lakadaun.

KEJADIAN 37:9

Basa boema Yusuf nalame'i seluk, de ana tuin neu ka'an-nala nae, “Au alame'i seluk de au ita le'do a, bula ka ma nduuk sanahulu esa senek neu au.”

KEJADIAN 46:2

Nai ninitak esa dalek, nai fai le'odaek, Manetualain nafa'dan nae, “Yakob, Yakob!” Nataa nae, “Ou Manetualain.”

2 SEMUEL 7:4

Tehu, nai le'odaek ndia, Manetualain nafa'da Natan nae,

1RAJA-RAJA 3:15

Salomo fo'a boema, name'da nae Manetualain kokolak non nai me'is dale so. Boema ana fali leo Yerusalem neu, boema napadeik neu Manetualain Peti Hehelu-balataan matan-na de ana fe tutunu-hohotu nanatunuk ma tutunu-hohotu mole-dame Basa boema ana tao fe basa hataholi mana'a ngga'din-nala feta.

1RAJA-RAJA 3:5

Le'odaek ndia boeo, Manetualain natu'du aoinan-na neun nai me'is dale de nafa'da nae, “Salomo, moke hata fo o mahiik-kana leon, te neukose Au o!”

AYUB 33:15

Nai fai le'odaen-na, hataholi-a sungu namanee, Manetualain kokolak, nai me'is ma ninitak-ka dalek.

AYUB 4:13

Au sungu, ta amanee fa, hu kande namakukutuk ndia, sama leo hapu me'is mangalauk, nai fai le'odaen-na.

MAZMUR 105:15

“Boso tao Au hataholi heheleng-ngala, boso tao mangalauk neu Au nabing-ngala!”

MAZMUR 89:19

Nana ami manamasulu-mahapam nde bee-na, nde hataholi fo O helek-ka, ou Manetualain; ami manem-ma nde bee-na, Israel Manetualain fo Malalao-malalafuk-ka, nuun.

KELUARAN 7:1

Manetualain nafa'da Musa nae, “Neukose, Au tao o da'di sama leo Manetualain nai manek-ka matan, ma neukose o tolanoom Harun, ana kokolak non, da'di leo o nabim-ma.

YEREMIA 23:25

Basa hata fo nananafa'dak neme nabi sila-la Au bubuluk-kasa so. Ala lasapepeko-lasandandali pake Au na'deng-nga lae, Au hala haituang-nga ala sipon tunga me'i-afek.

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

YESKIAL 1:1

Nai hataholi Yahudi-la bula ka haan-na fain lima, nai teu ka teluhulun-na dalek, fo ndia te Manek Yoyakhin-na, nanafook leo mamana tu'u-tapak neu, de ana leo teuk lima dalen-na nai ndia so, boema au, Imam Yeskial, fo Busi anan-na, sama-sama o hataholi Yahudi fe'ek nanafook-kala nai Lee Kebar-ra su'un-na. Boema no kaiboik, lalai-a natahuka, de au hapu ninitak la'eneu Manetualain. Au amanene Manetualain kokolak no au, de koasan-na poti-na au.

DANIAL 10:8

Ala la'oela au mesang-nga eme ndia, de au taoafik neu ninitak fo manatao nanggengek ndia. Mopo au balakaing-nga, ma au mata-panang fula.

DANIAL 2:19

Nai le'odaek ndia boe, Manetualain nafa'da Danial, me'is ndia bibila-babaan nai ninitak esa dalek. Boema Danial koa-kio Manetualain nai nusa so'dak-ka,

DANIAL 7:1

Le'odaek esa fo nai teu makasososan-na, lelek Belsyazar da'di manek nai Babel, au, Danial alame'i ma hapu ninitak. Au sulak-ka me'is ndia ma hala nafafa'dak la'eneu au ninitang ndia nde ia: Anin-na nasak-ka neme basa bu'uk lala'en-na mai, nalosa ani sangu da'di nai tasi maloaina.

DANIAL 8:2

Nai ninitak ndia dalek, au ita au nai propensi Elam, nai Sudan fo nusa Persia polon-na. Au apadeik deka Lee Ulai

HOSEA 12:11

Au kokolak basa o nabi la so, ma Au fes ninitak ba'uk-ka. Tunga nabi sila-la, nde Au afa'da Au dale tutu'ung-nga neu emi, fo Au anang-ngala,

YOEL 3:1

Manetualain nafa'da nae, “Nai lelek ndia, neukose Au tao falik Yerusalem ma Yehuda su'i-beten-nala.

ZAKHARIA 1:8

au ita Manetualain ata nusa so'dan esa, sa'e ndala pilas esa. Ana hahae neme bafak esa, nai ai murat-tala tala'da. Ndala fe'ek de'ubee, lapadaik lai dean-na, nggelok pilas, nggelok pila kumeak, ma nggelok fulak.

BILANGAN 24:4

fo namanene basa Manetualain dede'a-kokolan so ma nita Manetualain fo Manakoasan-natu'du aoinan-na, boema ana bala neu, tehu no mata malaak.

MATEOS 1:20

Tehu nai lelek fo Yusuf bei dudu'a-dodoo dede'ak ndia te, nalame'i me'is esa. Nai me'is ndia dalek, nita Lamatua ka ata nusa so'dan esa nafa'dan nae, “Yusuf, fo Dauk tititi-nonosin; Boso bii ka'bing mo Maria; te nailu ni'iana ndia ana da'di neme Manetualain Dula Dale na koasa na mai.

MATEOS 2:19

Mate basa Herodes boema, Lamatua ka ata nusa so'dan esa natu'du ao na neu Yusuf neme Masir nai me'is esa dalek nae,

MATEOS 23:31

Da'di emi manaku aom mae, emi nde hataholi mana taonisa nabi la, tititi-nonosi na!

MATEOS 23:34

Mamanene matalolole, te neukose Au haitua fe emi nabi-nabi, hataholi manatee tenok, ma mese-mese nala; tehu neukose emi taomisa hataholi sila la nggelok, boema emi lona nggange nggelok. Hapu nggelok neukose emi fepa-li'us nai uma mamaso kala dalek, ma emi usis leme kota esa leo kota esa.

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

MATEOS 27:19

Nai lelek fo Pilatus bei nangatuuk nai kandela paletan lain te, saoina na nadenu hataholi neu nafa'dan nae, “Boso mu sese'dok nai hataholi sala tak ndia dede'a na dalek, nana hu ka nde Hataholi ndia de, le'odae ka au alame'i me'is esa, nini bibii-namata'u matua ina.”

LUKAS 1:11

No kaiboik, Manetualain ata nusa so'da na natu'du ao na neu Zakharia. Ata nusa so'dak ndia napadeik nai mei tutunu boomini ka boboa kona na.

LUKAS 1:22

Ma nai lelek fo ana kalua mai te, ana ta hapu kokolak nos so'on. Ka'da ana fe ta'du nakandoo ninik lima na, ma hala tak nahele. Boema hataholi la boeo ala bubuluk lae, ana nita basa ninitak esa nai Manetualain Uman dale so.

LUKAS 20:6

Tehu metema ita tafa'da tae, ‘Hataholi daebafak nde fen hak ka,’ soona basa hataholi la neukose ala pia ita ninik batu, nana hataholi sila lamahele, Yohanis ndia nabi esa.”

HATAHOLI 10:11

Nita lalai natahuka, boema nita hata esa sama leo tema maloa esa, belona nai bu'un has nanalonak leo daebafa ka mai.

HATAHOLI 10:17

Petrus napangamak no dudu'a-dodoo ninitak ndia sosoa-ndandaan. Ana bei dudu'a-dodoo te Kornalius nadenu hataholi la losa Simon uman de lapadeik lai lelesu a bafa na so.

EFESUS 4:11

Ndia nde “fe baba'e-babati hehelik neu hataholi daebafa ka”; Ana so'u nggelok da'di Lamatua ka ana mana tungan, ma nggelok da'di nabi; ma nggelok seluk bai soona, ala da'di mana tui-benga Hala Malole ndia, ma nggelok seluk, Ana so'us da'di mesen, ma manamete-makanae hataholi kamahehele kala.

ULANGAN 18:15

Nasafalin-na, neukose Ana fe emi nabi esa, sama leo au, fo emi muse tungan.

ULANGAN 18:18

Neukose, Au fes nabi esa sama leo o, neme sila leoinan mai. Neukose, Au afa'dan hata fo, muse ana nafa'dan, boema neukose, ana nanduku-nalosak-kana neu leoina ndia, basa hata lala'en fo, Au paleta neun-na.

IBRANI 1:1

Nai lelek makahulu eli, la'i ba'u ka Manetualain kokolak no ita bei ba'i kai nala tunga nabi la ninik Ana pake eno mata-mata kala.

NINITAK 11:10

Laun manai daebafa ka, neukose lamahoko sakasii kaduak sila la mamate na. Neukose ala tao feta, ma esa haitua fe esa palsen, nana nabi kaduak sila la lini doidoso ba'u fe hataholi daebafa ka so.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

SEMUEL SUSULAK-KA ESAN-NA 28:6

Boema, noke natutu'duk neme Manetualain mai, tehu Manetualain ta nataa fa, nau tunga me'i-afek do tunga batu Urim ma Tumim-ma, do tunga nabi-la boe.

SEMUEL SUSULAK-KA ESAN-NA 3:15

Basa ndia boema, Semuel sungu seluk, de fafaik boema ana fo'a, de ana soi heni Manetualain Uman-na lelesun-nala. Ana bii nafa'da ninitak ndia neu Eli,