BILANGAN 11:1 - Susula Malalaok Hehelu Palak Ma Hehelu Beuk

¹ Neu faik esa boema, leoina ndia mulai haladoi neu Manetualain la'eneu sila toto'a-tataan. Manetualain namanene sila haladoin ndia boema namanasa, de Ana fe ha'i mai neus. Ha'i ndia sii lapa-lapa nai sila tala'da, de na'a heni lalaa ofu-a seli.

BILANGAN 11:1 ပူးပေါင်းရင်းမြစ်များ

KEJADIAN 38:10

Tatao-nono'in ndia tao na Manetualain namanasa, de Manetualain taonisan boe.

2 SEMUEL 11:27

Basa fai susan-na boema, Dauk nadenu hataholi neu nala inak ndia, leo uma manek-ka mai, de ana taon da'di ndia saoinan. Basa bulak de'ubee boema, ana bongi-na ni'iana touanak esa. Tehu Manetualain ta hii Dauk tatao-nono'in ndia fa.

2RAJA-RAJA 1:12

Boema Elia nataa nae, “Metema, memak Manetualain atan au soona, ela leo been-na, ha'i-a kona neme lalai mai, fo ana hotunisa o moo basa o solda'du anam-mala!” No hatematak ndia boe, ha'i neme Manetualain mai, de ana hotunisa malanga solda'du manai lain ndia, no solda'du anan ka 50-nala.

AYUB 1:16

Lelek ana bei kola-kola te, ata ka dua, ana mai de nafa'da nae, “Ta'tas-sa ho'i Tuan bi'ilopon-nala loo basa manafoo-la, de mate la'iesak-kasa. Ela ka'da atam-ma mesak-kana naso'da, de atam-ma mai nafa'da Tuan.”

MAZMUR 106:18

Ha'i kona mai, de ana sapu-na sila nakabubuan-na, ma na'a naputu basa manamalelesi basak-kala.

MAZMUR 78:21

Manetualain namanene dede'ak ndia boema namansa, de Ana sapu-na anan-nala nenik ha'i; nasa-melun soaneu anan-nala, boetai namatuak-ka,

MAZMUR 78:63

Ha'i na'aheni touana muli-solun-nala; ma hataholi ta sao anafe'oanan-nala fa.

KELUARAN 16:7

Balahaa fafaik soona, neukose emi mita Manetualain mandela-masa'an. Manetualain namanene emi makamuu-muun; nana ami ia, ka'da tao hata fo Ana paletan.

KELUARAN 16:9

Basa boema, Musa nafa'da Harun nae, “Madenu basa-basas mai lataa Manetualain, nana namanene basa sila nakamuu-muun-na so.”

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

RATAPAN 3:39

Tao le'e de, hataholi-a muse haladoi metema nanahukuk hu kande sala-singon?

YESKIAL 20:36

sama leo Au tao basan neu emi bei-ba'i kaim-mala neme Letek Sinai-a. Au Manetualain Fo Mademaina, nde manakokolak-ka.

IMAMAT 10:2

Boema Manetualain nakona ha'i-a mai, de ana hotu nisas nai Manetualain Lalaa Teman dale.

NAHUM 1:5

Letek-kala dele nai matan-na; ma basa pupukuk-kala boeo noe henis. Metema, Manetualain to'da mai soona, daebafak-ka dele, daebafak-ka no basa laun-nala dele.

HABAKUK 3:5

O madenu he'di-laus la'ok nai matam-ma ma mamates-sa tunga O deam-ma.

BILANGAN 10:33

Leoina Israel-la la'oela basa Sinai, fo Manetualain lete leleon-na boema, ala la'ok faik telu dalen-na. Leni Manetualain Peti Hehelu-balataan, fo nakahuluk sila tataas esa, soaneu ana sanga fes mamana ofu.

BILANGAN 11:18

Besak ia mafa'da leoina ndia, dede'ak-ka nde ia nae, Tao malalao-malalafu emi aoinam-ma, soaneu balahaa; te neukose emi mi'a paa. Manetualain namanene emi kii so, ma emi haladoim mae emi hii mi'a paa, ma emi mae nai lelek emi meme Masir-ra, emi ua-nalem malole lena. Besak ia, neukose Manetualain fe emi paa fo emi bole mi'a.

BILANGAN 12:2

Lafa'da lae, “Ade, Manetualain kokolak ka'da tunga Musa mesak-kana do? Ade, Ana ta kokolak tunga ita boen do?” Manetualain namanene sila hala-kokolan.

BILANGAN 14:2

Ala bemumu loo Musa no Harun lae, “Malole lenak, ita mate nai Masir, do nai moo solokaek ia. Nemen-na fo, ata mate leona.

BILANGAN 14:22

ae neme hataholi ia-la mai, ta hapu maso'dak esa boen, soaneu ana masok leo nusak fo, Au helu basan neu sila bei-ba'i kain-nala so. Nana ala ta nau tunga Au, ma ala so'ba Au do'e-do'e. Te se'kona, lita basa Au mandela-masa'ang, ma Au tao manada'di beuk-kala leme Masir ma neme moo solokaek-ka so.

BILANGAN 14:27

“Losa faihi'da hataholi mangalauk sila, bemumu neu Au? Au amanene sila nakamumuun lala'en-na so.

BILANGAN 14:28

Emi muse mataas mae lao ia: Manetualain nafa'da nae, ‘Au soo unik Au fo maso'dak-ka na'den-na, ae neukose Au tao emi, sama leo hata fo, emi mafa'dan nai Au matang-nga. Au, fo Manetualain nde manakokolak-ka.

BILANGAN 16:11

Metema o moo o hataholim fo manalook o-a, bemumu moo Harun soona, te'e-te'e, emi la'ban Manetualain!”

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

BILANGAN 17:5

Hataholi fo Au helek-ka, neukose ai tete'en-na nanupu. No enok ndia, neukose Au ate'e hataholi fo bemumu loo emi tataas esa, haladoin-nala.”

BILANGAN 21:5

de bemumu loo Manetualain ma Musa. Lafa'da lae, “Tao le'e de, o moo ami kalua meme Masir mai? Ade soaneu taomisa ami, nai moo solokaek ia do? Nai ia, ta hapu nana'ak fa, ma oe boeo, ta. Ami malua mi'a nana'a mamis ia-la!”

1 KORINTUS 10:10

Ita boeo ta bole bemumu; sama leo makahulu na sila nggelok bemumu de nalosa ata nusa so'da manini Mamate sa taonisa la'iesa kasa.

ULANGAN 25:18

Ala ta bii-lamata'u neu Manetualain fa, de ala sapu-la emi neme dea mai, fo nai lelek emi sota-mangu, ma emi aom-ma ndole-ndaku, boema ala taolisa la'iesak hataholi makabuik-kala, nanahu ala sota-mangu lanseli, no lala'ok-ka so.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

ULANGAN 9:22

Emi taom-ma, Manetualain namanasa neme Tabera, Masa ma Kibrot-Taawa boe.

IBRANI 12:29

Nana ita Manetualain ndia, sama leo ha'i fo manahotu naputu ka.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.