BILANGAN 10:10 - Susula Malalaok Hehelu Palak Ma Hehelu Beuk

¹⁰ Boeo nai fai-faik fo emi mamahoko-stelee, fo nde nai feta-dote Bula Beuk, ma feta fe'e-fe'ek-kala soona, pupuuk sila-la muse nanapuuk, nai lelek emi tunu-hotu fe Au, tutunu-hohotu nanatunuk, ma tutunu-hohotu mole-dame. Soona neukose Au tulu-fali emi. Au nde Manetualain, fo emi Manetualaim-ma.”

BILANGAN 10:10 ပူးပေါင်းရင်းမြစ်များ

2RAJA-RAJA 4:23

Saon-na natane nae, “Tao le'e de, muse la'o besak ia? Faik ia, ta fai sabat, ma boeo, ta fai malole Bula Beuk fa.” Boema, inak ndia nataa nae, “Ta hata-hata fa.”

1 TAWARIKH 15:28

Basa hataholi Israel-la lala'en-na leu tunga Peti Hehelu-balataak ndia losa Yerusalem no ala eki kao-kao ma pupuu liik, nafiri, simbal ma kecapi.

1 TAWARIKH 16:42

Heman ma Yedutun boeo hapu bela-ba'uk soaneu pupuuk, simbal boema sasanu fe'e-fe'ek fo nananakaminak tunga nakamee kokoa-kikiok ka. Teidale-bobongik Yedutun hataholin-nala hapu bela-ba'uk soaneu lanea lelesuina la.

2TAWARIKH 29:26

sama leo Dauk pakek-ka. Ana pe'da imam manafuu trompet-ala lai ndia boe.

2TAWARIKH 29:28

Manek Hizkia ma basa hataholi manai sila-la sene-do'ok neu Manetualain nai lelek manamakameek-kala lakamee lahele ma manamakaminak sasanu-la lakaminak lahele losa ha'i na'a basa tutunu-hohotuk sila-la.

2TAWARIKH 7:6

Basa imam-mala lapadeik lai mamanak fo nananaketu basak ba'eneus; lasasalematak loo hataholi Lewi fo manakoa-kio Manetualain nenik sasanu fo Manek Dauk-ka tao-kala, boema lakamee nakameek-ka nae, “Susue-lalain manaketu basa taak losa dodoon-na!” fo nandaa no Dauk nonoken-na. Basa imam-mala fuu trompet lelek basa laun-na lala'en-na lapadeik.

EZRA 3:10

Lelek tuka uma-la mulai lafofo'a Manetualain Uman-na laten-na, boema basa imam-mala pake ba'du manalu no ala ho'u pupuuk, fo langatuuk leu esa-esak mamanan. Hataholi Lewi-la leme teidale-bobongi Asaf-fa mai boeo, lapadeik lai ndia no ala ho'u meko anak-kala. Ala koa-kio Manetualain nandaa no nakanenetek fo nananaketu basak, ndek Mane Dauk-ka tepo-lelen-na.

MAZMUR 150:3

Koa-kion nenik trompet-ta, liin-na, koa-kion nenik gambus ma kecapi!

MAZMUR 81:3

Li'u tambur, so'uk nakameek, makaminak gambus ma kecapi no malole.

MAZMUR 81:4

Fuu trompet, nai ita fai malolen-na, nai feta bula beuk ma bulak-ka nakatema.

MAZMUR 89:15

Ndoos ma matetuk, ma hoholo-lalanek nde bee-na, da'di netes neu O nusam-ma. Susue-lalaik ma manalilinekak-ka, nananitak nai O tatao-nono'im lala'ena dalek.

KELUARAN 28:29

Nai lelek Harun masok leo mamana malalao-malalafuk dale neu, ana muse neni leo-leo Israel-la na'den-nala fo nanadokik nai babaa fanan-na, fo ela Au, Manetualain, afandendelek Au anang-ngala tataasesa.

KELUARAN 30:16

Moke doik sila-la neme leoina Israel-la mai, fo paken soaneu makaluku-makatele nai Au Lalaa Temang dale. Basa sila-la nde been-na, doi soi-tefak soaneu sila aoinan-na, de neukose Au afandendelek-kasa tataas esa fo Au asulu-ahapas.”

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

BILANGAN 10:9

Ma metema emi matee-mata'ti nai emi nusam-ma, fo emi masala'e emi aoinam-ma neme musu-a mamain-na soona, puu pupuuk sila-la. Soona Au Manetualain, fo emi Manetualaim-ma neukose tulu-fali, ma soi-tefa emi neme emi musum-ma mai.

BILANGAN 28:11

Nai basa bulak lala'en-na, fain esa soona, tunu-hotu fe Manetualain, tutunu-hohotu nanatunuk, nalupa leo sapi maneanak dua, bi'ilopo mane esa, bi'ilopo maneanak hitu, besak-ka teuk beke esak, fo ta lu'u la'ak fa.

BILANGAN 29:1

Neu hataholi Yahudi-la bula ka hitun-na, fain esa soona, emi muse makabubua fo makaluku-makatele, ma ta bole maue-le'di ue-le'dis mabela fa. Nai faik ndia, muse puu pupuuk-kala.

MATEOS 11:28

Mai leo Au mai leona, emi fo mana sota-mangu kala, ma mana lu'a-lepa mabela la lemin; neukose Au fe emi namahoko-sete leek.

HATAHOLI 10:4

Kornalius mete ata nusa so'dak ndia no bibiik, boema nae, “Bee ka Tuan?” Boema ata nusa so'dak ndia nae, “O huhule-haladoim ma o dale malole ma, Manetualain sipo kana so, ma nafandele o.

1 KORINTUS 15:52

Dede'ak ndia neukose ana da'di no kaiboboianak nai hatematak esa dalek, nai lelek fo pupuu ka nanapuuk soaneu mate'e na. Nana nai lelek fo pupuuk ndia lii na nananamanenek soona, neukose hataholi manamate kala nanatao naso'da falik ninik ao paa matea-mahelek, ma ita basa-basa tala neukose nanatao nasafalik.

1 TESALONIKA 4:16

Mahani te, neukose ata nusa so'da kala malanga na, naloo napane'e ma Manetualain pupuu na, nanapuuk da'di ta'du-tana esa. Soona, Lamatuak Yesus kona neme nusa so'da ka mai, ma hataholi kamahehelek mana mate basa kala, neukose Manetualain tao naso'da fali kasa lakahuluk.

1 TESALONIKA 4:18

Hu ndia de, ela leo bee na, emi esa natetea-nahehele esa dale na, ninik dede'ak ia la.

YOSUA 4:7

ela leo been-na, emi mafa'das, mae Lee Yarden-na oen-na ma'dan, nai lelek leni Manetualain Peti Hehelu-balatan tunga lee ndia. Batu sila-la, neukose fe nafandendelek tataas esa neu leoina Israel-la, hata fo ana da'di nai ia.”

YOSUA 6:4

Imam hitu, esa-esak neni pupuuk, fo muse ala la'ok nai Peti Hehelu-balataak-ka uluk. Neu fai ka hitun-na soona, o ma o solda'dum-mala, muse la'ok okofefeo kota ndia la'i hitu, fo ndia te, basa imam-mala puu pupuun-nala.

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

SEMUEL SUSULAK-KA ESAN-NA 20:5

Dauk nataa nae, “Leoiak, balahaa nde been-na, Feta Bula Beuk-ka, de au muse u'a sama-sama o Ama Manek. Tehu metema o nau soona, au la'o fo au u ke'ke nai mook-ka, losa binesak le'odae.