BILANGAN 1:50 - Susula Malalaok Hehelu Palak Ma Hehelu Beuk

⁵⁰ Madenus fo ala ito-ato Au Lalaa Temang-nga no oe-isin lala'en-na. Sila bela-ba'un nde, ndolo Au Lalaa Teman-nga no oe-isin lala'en-na, boema ala ito-aton. Sila muse ofu nai boboa-kaisun.

BILANGAN 1:50 ပူးပေါင်းရင်းမြစ်များ

2TAWARIKH 24:6

Hu ndia de namoo Imam Yoyada, fo sila mauli-malangan-na, boema nae, “Ade Musa fo Manetualain atan-na ta nadenu laun-na bae bea soaneu Manetualain Uman-na tao nahii-na fa do? Besak ia, tao le'e de Ama ta makaseti hataholi Lewi sila-la fo leu susu bea neme laun manai Yehuda ma Yerusalem-mala mai fa?” (

NEHEMIA 12:22

Susula na'dek la'eneu hataholi Lewi-la malanga uma loon-nala, ma imam-mala teidalen-na, nanasula basak nai basa Imam Matuaina-la tepo-lelen-na nde ia: Elyasib, Yoyada, Yohanan ma Yadua. Susula na'dek ndia nanasula basak ndek lelek Darius paleta da'dileo mane Persia.

NEHEMIA 12:47

Nai Zerubabel tepo-lelen-na ma nai Nehemia tepo-lelen-na boeo, basa laun Israel-la lala'en-na fe tunu-hotuk soaneu tao latetu basa manamakameek-kala ma manamanea lelesuina nai Manetualain Uman-na, paluu tunga fain-na. Laun-na fe tunu-hotu hehelik soaneu hataholi Lewi-la, ma hataholi Lewi-la boeo, fe leo basa imam-mala, baba'ek fo nananaketu basak so.

NEHEMIA 12:8

Hataholi Lewi-la: Mauli-malanga nakamee makasi: Yesua, Binui, Kadmiel, Serebya, Yehuda ma Matanya.

NEHEMIA 13:22

Boema au adenu hataholi Lewi-la tao feta tao balisi aok-ka, ma lanea lelesuina-la fo ela hataholi-la fe ha'da-holomata neu fai Sabat-ta. Au hule-haladoi ae, “Ou Manetualain, mafandele neu au, nanahu dede'ak ndia boe, ma sue-lai au, nandaa no O susue-lalai matuainam-ma.”

NEHEMIA 13:5

Elyasib fe Tobia kama matua esa, fo tunga ndoon-na ala sadia hehelik kama ndia soaneu pe'da tunu-hotu gandum, boomenik, bua-lo'as fo nanapakek nai Manetualain Uman, tunu-hotuk soaneu imam, gandum baba'ek esa neme ba'eneu sanahulu mai, angol, ma mina setun, fo sanga ba'e fe hataholi Lewi-la, basa manamakaminak sasanu-la, ma manamanea Manetualain Uman-na lelesuinan-na.

MAZMUR 122:4

Nai kota ia nde, nggileo-bobongik-kala mai, leoina fo, Manetualain heles, fo loke makasi neun nandaa no paletan-na.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 38:21

Susulak fo nana sulak bua kabelik fo nanapakek nai Manetualain Lalaa Teman dale nde, batu ka duak fo Manetualain Paleta ka Sanahulun sila-la mamana pepe'dan-na nde ia. No Musa paletan-na de susulak ndia nanataok, ma hataholi Lewi-la sulak matalololen de Itamar fo Imam Harun-na anan-na de nauli-nalanga.

BILANGAN 1:53

Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 10:21

Basa ndia boema, hataholi Kehat fo manandolo bua-lo'as malalao-malafuk-kala, ala la'o. Lelek ala losa mamana ofu beuk-ka, te Manetualain Lalaa Teman-na nananapadedeik seluk so.

BILANGAN 17:7

Boema, Musa pe'da ai tete'ek sila-la, nai Manetualain Lalaa Teman dale, fo nai Peti Hehelu-balataak-ka matan-na.

BILANGAN 18:5

Ka'da o, Harun ma o anam-mala, nde muse makalala'ok bela-ba'uk manai Kama Malalao-malalafuk-ka, ma mei tunu-hotuk-ka, fo ela Au boso boe amanasa, leoina Israel bai.

BILANGAN 2:17

Basa ndia soona, leo Lewi-la ndolo Manetualain Lalaa Teman-na, fo ala la'ok nai solda'du Israel-la tala'da heon. Sama leo nai mamana ofu-a, leondiak boe ala la'ok, esa-esak nai mamanan-na tunga sila dedeon-nala.

BILANGAN 20:11

Boema, Musa so'uk ai tete'ek ndia leo lain neu, de ana fepan la'i dua, neu pupuku batu ndia. Boema oe-a nasapoka mai, nalosa basa hataholi-la loo bana-manun-nala hapu linu.

BILANGAN 4:15

Manetualain nafa'da Musa no Harun nae, “Nai lelek emi ofe heni mamana ofu-a soona, Harun no anan-nala muse leu leo Au Lalaa Temang dale leu, fo ala poti ketu basa bua-lo'as ma hata-heto manai sila-la. Basa ndia soona, besak-ka hataholi Kehat-tala bole mai fo ala ndolon leona. Tehu, ala ta bole mete do deka, do ko'i la'e hata-heto sila-la fa, nanahu nanafe hehelik basa neu Au so. Metema ala la'o lenan soona, neukose mates. Da'di, fo ela hataholi Kehat sila-la na'den-nala boso nanalose henik neme leo Lewi-a dalek mai, Harun no anan-nala muse fe sila esa-esak bela-ba'u beek fo muse lenin. Hataholi Kehat-tala bela-ba'un nde ndia, nai lelek lali heok Au Lalaa Temang-nga. Eleazar fo Harun anan-na, muse mete-nakanae Au Lalaa Temang-nga lala'en-na, banuk-kala minan-na, boomenik-ka, tutunu-hohotu gandum soaneu nana'ak fo nanasadia nahelek-ka, mina feta, ma basa hata manai Au Lalaa Temang ndia dalek.”

BILANGAN 4:3

boema sulak basa touk fo teun teluhulu losa limahulu, fo muse nakalala'ok nabe'i bela-ba'uk manai Manetualain Lalaa Teman-na.

BILANGAN 8:19

de Au fe hataholi Lewi sila-la leo Harun no anan-nala leu, fo ela lalalau-laoono hataholi Israel-la, nai Au Lalaa Temang dale. Boeo, fo ela loke Au fe do'o do ampon neu leoina Israel-la, fo ela metema ala mai deka lanseli loo mamana malalao-malalafuk ndia soona, soe bodo tuni la'e leoina ndia.”

BILANGAN 8:20

Hu ndia de Musa, Harun ma hataholi Israel-la lala'en-na, ala fe hataholi Lewi-la leo Manetualain neu, sama leo Manetualain paletan neu Musa.

BILANGAN 8:22

Hataholi Israel-la, tao basa hata lala'en fo Manetualain paletan neu Musa, la'eneu hataholi Lewi-la. No enok ndia, hataholi Lewi-la hapu haak soaneu lalalau-laoono nai Manetualain Lalaa Teman dale, fo Harun no anan-nala nde lauli-lalangas-sala.

NINITAK 15:5

Basa ndia boema, au ita Manetualain Uman manai nusa so'da ka natahuka, de au ita Manetualain Uma Lopo na nai dalek.