AYUB 9:8 - Susula Malalaok Hehelu Palak Ma Hehelu Beuk

⁸ Ana nakapepela lalai, ta no tutulu-fafalik neme su'di see mai boen; Ana heheta-aa'i buta tasi-a muliha'in-na.

AYUB 9:8 ပူးပေါင်းရင်းမြစ်များ

KEJADIAN 1:1

Nai makasososa oe-oen-na, fo nai lelek Manetualain mulai nakadada'dik lalai-a, ma daebafak-ka,

1 TAWARIKH 16:26

Leoina fe'ek kala lamatua daebafan-nala ka'da dodoki-dudula sosongo-tatangok mesan. Tehu Manetualain nde been-na manamakadada'dik lalai ma daebafak ka.

AYUB 26:13

Ani hahaen-na sasapu lalai, nalosa namaneu nanseli; Ana taonisa buta tasi manamalaik-ka,

AYUB 26:7

Manetualain nakapepela lalai nai tasi maloaina poin-na, ma Ana lolo'e daebafak-ka neu mamana louk.

AYUB 37:18

O bisa sama leo Manetualain, fo makapepela lalai maloa, de Ana tao natean sama leo liti nanapolik-ka do titinok-ka?

AYUB 38:11

Au afa'dan ae, ‘Too-lanen nde ia, de boso la'ok selin! O lii matuainam-mala, late'e ka'da ia.’

AYUB 38:16

O kona hai leo tasi-a matan-na, nai bui mete'en-na so do beik? O la'o-la'o hai neme tasi maloaina laten-na so do beik?

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

MAZMUR 77:19

Mangguluk-ka nanggunggulu, ndelas-sa pila beelo'a, daebafak-ka nanggengo ma ana dele.

YESAYA 40:22

Fo mana makadada'dik-kana, nangatuuk nai daebafa bobongok lain, mete laun-na soona, anak-ka sama leo lamak-ka Ana nakapepela lalai-a, sama leo temak-ka, ma Ana taon, sama leo lalaa temak-ka, fo hataholi hapu leo nai dalek.

YESAYA 42:5

Amak Manetualain nakadada'dik, ma nakapepela lalai-a; Ana nakadada'dik daebafak-ka, ma basa manamolik manai lain lala'en-na. Ana fe hataholi daebafak-ka, ani hahae maso'dak ma samanek. Ana nanduku-nalosak hala heheluk ia, neu atan-na.

YESAYA 44:24

Manetualain fo o manasoi-manatefam, ma Ana taon-na manu lupak, nai lelek o inam nailu o-a, “Au nde Manetualain fo manamakadada'dik basa hata lala'en-na, fo Au mesang-nga nde akapepela lalai-a, ma Au akadada'dik daebafak-ka, ta no tutulu-fafalik neme su'di see mai boen.

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

YEREMIA 10:12

Manetualain nakadada'dik daebafak-ka nenik koasan-na, Ana heheo-hihiluk daebafak-ka nenik manatee-tenon-na, ma nataba lalai-a nenik dudu'a-aafin-na.

YEREMIA 51:15

Manetualain nakadada'dik daebafak-ka tunga hihi-nanaun-na, neme basa daebafak-ka bu'un-nala mai, ma ana betubala lalai-a tunga ndia dudu'a-aafin-na.

ZAKHARIA 12:1

Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,

YOHANIS 6:19

Ala la'o de ala losa, fafa'kama kilo lima do ne boema lita Yesus mai. Ana la'ok tunga oe lain. Litan tutika ala bii mangalalau.