AYUB 9:7 - Susula Malalaok Hehelu Palak Ma Hehelu Beuk

⁷ Manetualain bisa kena-ka'i le'do tii nai fai fafain-na, ma Ana ta fe nduuk-kala, lasalaa nai fai le'odaen-na fa.

AYUB 9:7 ပူးပေါင်းရင်းမြစ်များ

AYUB 37:7

Ana tao nate'e hataholi daebafak-ka, ue-le'din, fo ela ala bubuluk, lae Ana bei naue-nale'di.

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

AMOS 4:13

Manetualain Manakoasa nde nakadada'dik letek-kala ma anin-na. Nafa'da dale tutu'un-na neu hataholi daebafak-ka. Ana tao lele'dok ma le'odaek. Ana la'ok nai daebafak-ka poin-na. Manetualain Fo Manakoasa, na'den-na nde ndia.

AMOS 8:9

Neukose fain-na losa, Au fe le'do tenak nai lelek le'dohana, ma daebafak-ka makahatuk nai fai lele'don-na. Au, Manetualain Fo Mademaina, kokolak ae leo ndia.

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

YOSUA 10:12

Nai faik ndia, fo nai lelek Manetualain fe hataholi Israel-la sengi hataholi Amori-la, Yosua kokolak no Manetualain. Ma Yosua kokolak nai hataholi Israel-la matan nae, “Hai le'do-a nei! Mate'e nai lete Gibeon-na poin-na. Ma o, bulak-ka nei! Boso heok meme Bafak Ayalon-na lain mai.”

YOSUA 10:13

Boema le'do nate'e, ma bulak-ka ta heok, losa hataholi Israel-la sengi musun-nala. Manada'dik ndia, nanasulak nai Yasar Susulan dale. Fai katemak esa dalen-na, le'do nate'e nai lalai-a tala'da, de doon-na seli, besak-ka ana tenak.