AYUB 9:4 - Susula Malalaok Hehelu Palak Ma Hehelu Beuk

⁴ Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

AYUB 9:4 ပူးပေါင်းရင်းမြစ်များ

2TAWARIKH 13:12

Ami mauli-malangam nde bee na Manetualain mesak-kana ma basa imam manai ia-la. Ala laheheleaon basa soaneu puu trompet-ta, da'di leo ta'du-tana ba'eneu ami soaneu sapu-ma emi. Hai hataholi Israel-la lemin, boso la'ban Amak fo emi bei-ba'i kaim Manetualain-na! Emi ta bisa sengi fa!”

2TAWARIKH 20:6

de ana hule-haladoi no napane'e hala-na nae, “Ou Amak, fo ami bei-ba'i kaim-mala Manetualain-na! O Manetualain manai nusa so'dak-ka, ma manapaleta basa leoina lala'en-na nai daebafak-ka. O manakoasa ma mabe'i-balakai; ta hapu hataholi esa boen fo nabe'i la'ban O.

AYUB 11:6

Fo sa'di leo been-na, nafa'da o, nae manatee-tenok ndia, enon ba'uk-ka, de hataholi daebafak-ka, ta nalelak-kana fa. Soona besak-ka o mame'da, mae o doidosom ndia, ta ba'u bee esa boen, metema, nakasasamak-kana no huhukuk fo, nandaa o sipon-nana.

AYUB 15:13

o mamanasa Manetualain, de o mase'i mon.

AYUB 23:6

Ade, neukose Ana fe koasan-na, neu au do? Ta! Tao leo bee-o, neukose namanene au dede'a-kokolang.

AYUB 24:22

Tehu Manetualain usi heni hataholi ao makadelek-ka, nenik koasan-na. Manetualain ho'i nakeketuk, soona mate hataholi malelesik-ka.

AYUB 28:23

Ka'da Manetualain mesak-kana, nde bubuluk manatee-tenok-ka, mamanan-na, ka'da Ndia nde bubuluk, enok leo naa neu-a,

AYUB 36:5

Manetualain ndia, mabe'i-balakaik ma palani! Nalak basa hata lala'en-na. Ana ta nakadadaek hataholi esa boen.

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 38:36

Neme see mai, manupui ibis-sa, ana bubuluk nae faihi'da, Lee Nil-la neukose ana lifu-a? See nafa'da manulaluk-ka, nae u'dan-na sanga mai?

AYUB 38:37

See dodole maneun-na dai, soaneu ana leke ko'as-sa, fo nasafalin, nalosa u'dan-na mai,

AYUB 40:9

Ade, o balakaim-ma, sama leo Au do? Ade, o halam-ma, bisa nadodolo sama leo Au do?

AYUB 41:2

Ade, o bisa so'bo tali neu panan-na, do kakai besi neu nolin-na do?

AYUB 6:10

Neukose, dede'ak ndia, nalupa kokoe-nanasik ba'eneu au; neukose au longe nai doidosok-ka tala'da. Au tunga, ma au taoafik akandoo, neu basa Manetualain, Fo Malalao-malalafuk-ka, paletan lala'en-na.

AYUB 9:19

Ade, au muse akasusu'di balakaik on do? Tehu mitak, be'i-balakain ba'un-na seli! Leo uni'ka, au kalaak au dede'ang-nga neun, soona see kande napalani naloon leo manakee-manafula matan neu?

MAZMUR 104:24

O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

MAZMUR 136:5

Ana nakadada'dik lalai nenik manatee-tenon-na; susue-lalain manaketu-basa tak, losa dodoon-na.

KELUARAN 15:7

No O matua-mademam fo matuainam-ma O tao mamopo-mamate basa hataholi fo manala'ban O-a. O nasa-melum lua ponu-ponu sama leo ha'i-a, de ana hotu henis sama leo ha'deaik-ka.

KELUARAN 9:7

Manek-ka natane hata fo ana da'di so, boema ala tuin lae ta mate hataholi Israel-la bana-manun esa boen. Tehu, manek-ka nalanga batu, de ana ta nau po'i leoina ndia la'o fa.

AMSAL 28:14

Fe ha'da-holomata tataas esa neu Manetualain, soona neukose o maua-manale. Metema, o la'ban-nana soona, o hapu soe.

AMSAL 29:1

Metema nanoli-nafa'da see, fo ana la'ban nakandoo soona, neu faik esa te, neukose nakalulutuk, fo ta bisa tao matalololen fa.

YESAYA 45:9

Soe ba'eneu hataholi fo Manamakadada'dik-kana; Hataholi ndia, sama leo ulek fo, ana la'ban hataholi manataon-nana. Ade dae ulek-ka, natane neu manatao ulek-ka nae, “O tao beek ia?” Ade ulek-ka haladoi nae manatao ndia, malelan-na beita dai fa do?

YEREMIA 50:24

Manetualain nafa'da nae, “Babel, o la'ban Au, hu ndia de o nakahihiii nak neme hihi'k fo Au pasak, tehu o ta mame'da ndia fa.

DANIAL 2:20

nae, “Manetualain ndia manatee-tenok ma makadelek, kokoa-kikiok ba'eneun, losa dodoon-na neu!

NAHUM 1:3

Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

EFESUS 1:19

ma Manetualain tao-no'i no mahelek nanseli, henuk no koasa, nai ita hataholi kamahehele kala dalek. Manetualain koasan ndia, sama na leo Manetualain koasa matua ina na,

EFESUS 1:8

Ana tao leondiak, nanahu Ana sue-lai na ita ba'u na seli, ma Ana po'a ngganga fe ita susuek ndia, henuk no manatee tenok ma malelak.

EFESUS 3:10

Manetualain dudu'a na nde bee na, fo ela besak ia, tunga hataholi kamahehele kala, de basa mana ho'u koasa manai lalai ma daebafa ka, ala bubuluk Manetualain manatee teno na, nai basa hata mata-matak lala'e na dalek.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.