AYUB 9:32 - Susula Malalaok Hehelu Palak Ma Hehelu Beuk

³² Leouni'ka Manetualain ndia, hataholi daebafak soona, neukose au bisa ataan; boema, neukose ami meu leo manake-manafula meu, fo naketu nale'a-napilik lala'en-na.

AYUB 9:32 ပူးပေါင်းရင်းမြစ်များ

AYUB 33:12

Hai Ayub, o hahapum-ma salan! Nana Manetualain ba'u lena heni hataholi daebafak-ka.

AYUB 33:7

Da'di, ta paluu o bii-mamata'u neu au fa; au ta anuu dudu'ak, soaneu tao akala o fa.

AYUB 9:14

Da'di, tao leo bee fo, au bisa ase'i on? Neukose au ataan nenik dede'ak matak beek-ka?

AYUB 9:19

Ade, au muse akasusu'di balakaik on do? Tehu mitak, be'i-balakain ba'un-na seli! Leo uni'ka, au kalaak au dede'ang-nga neun, soona see kande napalani naloon leo manakee-manafula matan neu?

AYUB 9:3

Manetualain fe natatanek lifun esa, soona hataholi daebafak-ka, ta hapu nataa nala esa boen.

AYUB 9:31

Manetualain fe au tenak nai kadafuk dale, losa au bua papakeng-nga boeo, nafa'da nae, au nanamaluak.

MAZMUR 143:2

O atam au ia, de boso maketu-mala'di au, nana hataholi lala'ena, masalak mesa-mesan nai O matam.

PENGKHOTBAH 6:10

Basa hata lala'en manai ia, nai ia neme dook eli mai so. Ita bubuluk tae, hataholi daebafak-ka ta hapu nase'i no hataholi fo balakain-na lena neme ndia mai fa.

YESAYA 45:9

Soe ba'eneu hataholi fo Manamakadada'dik-kana; Hataholi ndia, sama leo ulek fo, ana la'ban hataholi manataon-nana. Ade dae ulek-ka, natane neu manatao ulek-ka nae, “O tao beek ia?” Ade ulek-ka haladoi nae manatao ndia, malelan-na beita dai fa do?

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

1 YOHANIS 3:20

Metema ita tame'da nana, hata fo ita taon ndia salan soona, mafandendelek te Manetualain malela na ba'u lena ita malela na, hu ka nde Ndia nde bubuluk basa hata lala'ena.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”