AYUB 9:12 - Susula Malalaok Hehelu Palak Ma Hehelu Beuk

¹² Metema, Ana kalo hata-heto soona, see kande napalani, kena-ka'in-nana? do napalani natanen nae, ‘Hai, O tao beek ndia?’

AYUB 9:12 ပူးပေါင်းရင်းမြစ်များ

2 SEMUEL 16:10

Tehu manek-ka nafa'da Abisai ma ka'an Yoab nae, “Boso litu moon. Nemen-na, fo ana soo-supa au. Nana, metema Manetualain nde nadenun-nana soona, see kande nanuu hak natanen, tao le'e de ana tao leondiak?”

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

AYUB 10:7

Tunga ndoon-na, O bubuluk ma mame'da, mae au salang ta, tehu ndoos. O bubuluk mae ta hapu esa boen ana soi-tefa nala au neme O limam-ma mai fa.

AYUB 11:10

Metema, Ana ho'un-na o, fo no o leo manakee-manafulan neu, soona see kande napalani napanggenggee Ndia?

AYUB 23:13

Manetualain ndia, ta nasafali fa; ta hapu hataholi bisa la'ban-nana fa. Ana tao su'di beek, fo nahiik-kana.

AYUB 33:13

Tao le'e de, o makasasa'ek dede'ak neu Manetualain, mae Ana ta taoafik neu hataholi daebafak-ka, haladoin-na fa?

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

PENGKHOTBAH 8:4

Manek-ka ho'i nakeketuk tunga koasan-na; ta hapu hataholi napalani se'i fan!

YESAYA 43:13

Au Manetualain ahele, losa dodoon-na. Ta hapu esa boen, fo ana hapu naladeak neme Au koasang-nga mai fa, do napanggengge Au dale tutu'ung-nga.”

YESAYA 45:9

Soe ba'eneu hataholi fo Manamakadada'dik-kana; Hataholi ndia, sama leo ulek fo, ana la'ban hataholi manataon-nana. Ade dae ulek-ka, natane neu manatao ulek-ka nae, “O tao beek ia?” Ade ulek-ka haladoi nae manatao ndia, malelan-na beita dai fa do?

YEREMIA 18:6

“Hai Au anang-gala lemin, masa bole au ta hapu taon neu emi sama leo fo tuka ndia tao-no'i nenik ndia dae ulen-na fa do? Leondiak boe emi nai Au limang dale, sama leo dae ulek-ka nai manatao ulek-ka liman dale.

DANIAL 4:32

Neukose o nanausi henik neme hataholi daebafak-ka dalek mai, fo o maso'da moo bana-manu nai mook-ka. Nai teuk hitu dalen-na, neukose o mu'a na'u sama leo sapi-a. Basa ndia soona, neukose o makaheik mae, Manetualain Fo Mademaina nanuu koasa neu hataholi daebafak-ka nusan-na ma nusak ndia Ana fen leo su'di see fo Ana helen.”

DANIAL 4:35

Leoina manai daebafak-kala, sosoa-ndandaan ta. Manetualain koasa ata nusa so'dak manai nusa so'dak-ka ma laun manai daebafak-ka. Ta hapu hataholi esa boen, hapu la'ban hihii-nanaun fa, ta hapu hataholi natane, Ana tao beek fa.”

MATEOS 11:26

Fo ndia nde nandaa no, Ama ka dale na.”

MATEOS 20:15

Ade au boso ito-ato au hata-hetong, tunga au dale hihii nga fa do? Do o dale he'di sa, hu ka nde au dale malole nga do?’ ”

ROMA 11:34

Nai Susula Malalaok dale nanasulak nae leo ia, “See ka nde bubuluk Manetualain dudu'a-aafin? See ka nde fe nanoli-nafa'dak neu Manetualain?

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.