AYUB 8:8 - Susula Malalaok Hehelu Palak Ma Hehelu Beuk

⁸ O muse taoafik neu hataholi malelak, ma manatee-tenok makahulun eli, ma dodoo-tatai, hata fo basa bei-ba'i kai-la, la'ola'din.

AYUB 8:8 ပူးပေါင်းရင်းမြစ်များ

2TAWARIKH 10:6

Boema Rehabeam noke nanoli-nafa'dak neme lasi-lasik fo makahulun-na ala da'di Salomo fo Rehabeam aman manamanoli-nafa'dan-nala nae, “Au muse ataa hataholi sila-la ae le'e?” Rehabeam natanes nae, “Emi nanoli-nafa'dam leobeek.”

AYUB 12:12

Lafa'da lae, manatee-tenok-ka, nai hataholi lasik-kala, tehu, manatee-tenok-ka ma be'i-balakaik, ka'da nai Manetualain mesak-kana. Lafa'da lae, dudu'a-aafi manadaik-ka, ka'da nai hataholi lasik-ka, tehu, dudu'a-aafi manadaik-ka, ma manadodoo-tataik-ka, nai Manetualain boe!

AYUB 13:1

Au ita hai, ma au amanene matang, basa sila-la so, de te'e-te'e, au alak-kana.

AYUB 15:10

Ami sipo manatee-tenok ia, neme hataholi fo, langan-na mofa so; bongi hataholi sila te, beita bongi o amam fa!

AYUB 15:18

hata fo hataholi malelak ma manatee-tenok-kala lanolin neu au. Ala sipo nanolik sila, neme bei-ba'i kain-nala mai de ala tuin la'i esak-kana neu tititi-nonosin-nala.

AYUB 20:4

Tehu ade o bubuluk do ta, neme tepo-lelek makahulun eli mai, fo mulai neme makasososan-na hataholi daebafak-ka leo nai daebafak-ka,

MAZMUR 44:1

Teidalek Korah kokoa-kikion-na. Nakamee nanolik-ka. Soaneu mauli-malanga manakameek-kala.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

YOEL 1:2

Mamanene leon, hai lasi-lasi kala lemin; taoafik leon, basa hataholi manai Yehuda-la lemin. Manada'dik leo ia-ka, ana da'di hai nai emi tepo-lelem-ma do nai emi bei-ba'i kaim-mala, tepo-lelen-na so do beik?

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

1 KORINTUS 10:11

Ala hapu basa manda'dik sila la, fo ela ana da'di natutu'duk esa soaneu hataholi fe'e kala. Ala sulak ela basa dede'ak sila la, fo ela ana da'di nasanene'dak esa soaneu ita, nana ita taso'da nai le'do fai mate'e ka nde ia so.

ULANGAN 32:7

Mafandendelek le'do-fai makahulun-na, ma taoafik neu bobongik maneuk-kala. Matane emi ina-aman fo ela ala lafa'dan neu emi.

ULANGAN 4:32

Palisak matalolole, tepo-lelek makahulun-na, fo nai lelek beita bongi emi nai faik fo Manetualain nakadada'dik hataholi daebafak manai daebafak ia poin-na. Sangan nai basa daebafak ia poin-na lala'en-na. Fafaka'ma dede'a matuaina ia, ana da'di hai nai makahulun eli so do beik? Hapu hataholi namanene hai, la'eneu manada'dik matak leo ia-ka so do beik?