AYUB 8:21 - Susula Malalaok Hehelu Palak Ma Hehelu Beuk

²¹ Neukose, Ana taon-na o bafam-ma, hika, ma neukose o difadoom-ma, eeki-natadale.

AYUB 8:21 ပူးပေါင်းရင်းမြစ်များ

KEJADIAN 21:6

Sara nafa'da nae, “Manetualain taon-na au hika nanahu namahokok-ka. Hataholi see, fo namanene dede'ak ia soona, neukose ana hika, ma namahoko sama-sama no au.”

NEHEMIA 12:43

Nai faik ndia, tutunu-hohotuk makadotok nanatunu-hotuk soaneu Manetualain. Laun-na lamahoko-setelee nanahu Manetualain fes laua-lanale. Basa inak-kala ma ni'iana-la boeo tunga feta, de sila hala hika-natadalen-nala, lamanenen losa dook-ka.

AYUB 35:10

Tehu ta loke neu Manetualain, fo mana makadada'dik sila fa, fo manafe namahehenak neu sila, nai lelek sila susa,

AYUB 5:22

Metema, naseti-nalakak, ma la'a-ndoes mai soona, neukose o matea-mahele, ma nakalenak o hika. O masasalematak moo bana makaa-makisu mangalauk-ka boeo, o ta mame'da bibii-namata'uk, do o tenem-ma hailua fa.

MAZMUR 100:1

Kokoa-kikiok soaneu tutunu-hohotu makasi. Eeki-matadale leona, ba'eneu Manetualain, hai basa daebafak-ka lala'ena lemin!

MAZMUR 126:1

Nakamee dodonge-dadamak. Lelek Manetualain tao nabebeu Yerusalem boema, ita sama leo talame'i!

MAZMUR 126:2

Ita hika takandoo, ma takamee no namahoko-seteleek, nalosa leoina fe'ek-kala lafa'da lae, “Manetualain tao basa, dede'a matuaina-la, ba'eneus so!”

MAZMUR 126:6

Hataholi neu sele-nggali, bini-ngges nai tinan-na no luuoen-na titi boto-boto soona. Neukose losa fain-na te, ana fali no neni tinan-na buna-boan no nakameek ma namahoko-seteleek.

MAZMUR 32:11

Hai hataholi kamahehelek-kala lemin, mamahoko ma setelee Leona, nanahu hata fo Manetualain tao-no'i basan so. Hai basa hataholi fo, dale ndoos-sala lemin! Eki ma matadale leona!

MAZMUR 98:4

Eeki-matadale ba'eneu Manetualain leona, hai basa daebafak-ka lala'ena lemin! Koa-kio Manetualain nenik nakameek, ma eeki-natadalek.

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!