AYUB 7:9 - Susula Malalaok Hehelu Palak Ma Hehelu Beuk

^9-10 Sama leo ko'as-sa nasakoko'a, boema mopok-kana, leondiak boe, hataholi daebafak-ka maten, de neukose ta fali ma'i fan. Basa hataholi fo ala lalelak hain so, lafandele henin, de ta lafandelen so'on.

AYUB 7:9 ပူးပေါင်းရင်းမြစ်များ

2 SEMUEL 12:23

Tehu besak ia, maten so, de sosoak hata, au oka aong akandoo? Ade, au bisa tao aso'da falik-kana do? Neu mate'en-na te, neukose au boeo, u leo mamanak fo ndia nai mamanak-ka boe, tehu besak ia, neukose ana ta fali ma'in leo au mai so'on.”

2 SEMUEL 14:14

Neukose, ita basa-basa-tala manamatek mesa-mesan; nana ita ia, sama leo oe fo po'a henin leo dae lain neu, fo ta hapu aso falik-kana so'on. Manetualain boeo, neukose Ana ta tao naso'da falik hataholi manamate basak-ka so'on; hu ndia de, sa'di leo been-na, au Ama Maneng sanga enok, fo ela hataholi nanatu'u-tapa henik-ka, bisa fali ma'in seluk.

AYUB 10:21

Ta dook-ka so'on te, au u leo nusa makahatuk, ma makiuina dalek u, fo au ta fali so'on,

AYUB 11:8

Koasan-na, dema lena heni lalai maloa; o ta bisa dai fan, fo o ho'i ma fan. Koasan-na, dema lena heni, hataholi manamatek-kala, daebafan-na, o ta bisa malelak-kana, makandondook fa.

AYUB 16:22

Au teu-faing fo bei elak-ka, ta ba'uk-ka so'on; ba'ihanak seluk bai te au la'o fo neukose, au ta fali ma'ing-nga fa.

AYUB 17:13

Au amahenak kande, daebafa mamates-sa, nai naa, neukose au sungu nai makahatuk dale.

AYUB 17:16

Metema, au kona leo hataholi manamatek-kala, daebafan dale u soona, au ta anuu namahehenak so'on.”

AYUB 3:13

Leounik-ka, mate au nai hatematak ndia, soona au sungu, ma au hahaeaong no nee-nee lino-linok,

AYUB 30:15

Bibii namata'u matuaina, ana potin-na au aoinang-nga; au na'de maloleng-nga, mopok-kana, sama leo anin-na; au ua-nale maloleng-nga mopon, sama leo ko'as-sa, mopok-kana.

AYUB 37:11

Ana fua oe neu ko'as lain, ma ta'tas-sa mangale'don-na la'e ko'as-sa, de ko'as-sa nangale'do.

MAZMUR 39:13

Mamanene au huhule-haladoing, ou Manetualain, taoafik neu au dokodoeng-nga; boso denge-denge, metema au kii. Sama leo basa au bei-ba'i kaing-ngala, au leo o O ka'da ba'ihanak mesan.

YESAYA 26:14

Mates so, de neukose ala ta laso'da so'on, neukose samanen-nala ta fo'a falik fa. Nana O tao mamate-mamopo la'iesak-kasa so ma O ta mafandeles so'on.

YESAYA 38:11

Au afa'da ae, au ta akanae Manetualain nai daebafak-ka so'on, do au ita hataholi daebafak-ka, nai daebafak ia fa.