AYUB 7:21 - Susula Malalaok Hehelu Palak Ma Hehelu Beuk

²¹ Ade, O ta hapu fe do'o do ampon neu au sala-singong fa do? Ade tean-na seli, soaneu O koka heni au salang-nga do? Dodoo faa te, au akandondoo nai lates dale, de metema, O sanga au soona, neukose O ta hapu au fa.”

AYUB 7:21 ပူးပေါင်းရင်းမြစ်များ

2 SEMUEL 24:10

Tehu lelek Dauk leke basa leoina ndia dede'un-na boema, name'da nasala, de nafa'da Manetualain nae, “Ou Manetualain, au asala-asingo anseli so. Fe do'o do ampon neu au, nana au tatao-nono'ing ndia, nggoak nanseli.”

AYUB 10:14

O maku au, fafa'kama au tao salak, fo ela O ta fe au do'o do ampon fa.

AYUB 10:9

Mafandendelek te, O makadada'dik au neme dae ulek-ka mai! Masa bole, O taom-ma au, da'di dae sopok seluk?

AYUB 13:19

Manetualain, metema O mai fo kalak au soona, neukose au denge-denge ma au ahani ka'da au fai mamateng-nga.

AYUB 14:10

Tehu metema, hataholi daebafak-ka maten soona, basa so; maten soona, ana leo bee neu?

AYUB 17:14

Au foi au bolo mamateng-nga, na'de “Au amang”, ma kalatik mana'a au ao paang-nga, au okes ae, “Ina” ma “Au tolanoo inang”.

AYUB 20:8

Neukose mopon, sama leo me'is-sa, mopok-kana, sama leo mata memetek-ka, nai fai le'odaen-na.

AYUB 27:19

Ana nangape'uk nakandondoo aoinan-na, sama leo hataholi kamasu'i-makabetek-ka, tehu ana ta bisa tao leondiak seluk fa, lelek ana fo'a neme susungun-na mai, te mopo basa su'i-beten so.

AYUB 3:13

Leounik-ka, mate au nai hatematak ndia, soona au sungu, ma au hahaeaong no nee-nee lino-linok,

AYUB 33:9

O mafa'da mae, ‘Au malalaok, ta tao salak fa. Au bu'u-ba'em ta, ma o ta tao salak fa.

AYUB 7:8

Besak ia, O mita au – tehu, ndia ta dook-ka fa. Metema, mahani te O sanga au, soona au taang-nga so.

AYUB 8:1

Boema Bildad nae, “O kokolak mae leondia, losa faihi'da? O dede'a-kokolam, sama leo anin mangguk-ka.

MAZMUR 103:15

Hataholi daebafak-ka, so'dan-na keke'uanak sama leo na'u-a; ana nakapela sama leo bunga nai tina;

MAZMUR 37:36

Lelek au tunga ndia, te tak-kana so, au sangan tehu au ta hapu fa.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

YESAYA 64:9

Da'di boso mamanasa manseli, ou Manetualain, boso boe mafandele seluk ami sala-singom; mete leona, te ami ia, O anam.

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 YOHANIS 1:9

Tehu metema ita manaku ita sala-singon neu Manetualain soona, neukose Ana tao natetu hala hehelu na, ma naketu-nala'di tunga matetu na. Neukose Ana fe do'o do ampon neu ita sala-singon, ma Ana safe balisi ita tatao-nono'i masala-masingo nala.

1 YOHANIS 3:5

Emi bubuluk basan, Kristus mai soaneu Ana koka heni hataholi daebafa ka sala-singon, boema emi bubuluk boeo, Kristus sala-singon ta.