AYUB 7:16 - Susula Malalaok Hehelu Palak Ma Hehelu Beuk

¹⁶ Au sota-mangu, ma pela-malua au aso'da; au hii mate leona! Po'ilotak au, nana au so'dang-nga, sosoa-ndandaan ta.

AYUB 7:16 ပူးပေါင်းရင်းမြစ်များ

KEJADIAN 27:46

Boema, Ribka nafa'da Isak nae, “Au pela-malua, mete Esau saon-nala leme leoina nusa dea sila-la mai fa. Metema Yakob boeo, ana sao anafe'oana Het soona, malole lenak ka'da mate au leona.”

1RAJA-RAJA 19:4

boema ana la'o eik faik esa dalen-na leo moo solokaek ka neu, de ana hahae neme ai matuaina esa huun-na. Ana nangatuuk neu ndia de nahiik fo ela ana mate leona. Nafa'da Manetualain nae, “Au ta akatatakak seluk so'on Manetualain. Ho'i ma au hahae nga leona. Au ta malole lena neme au bei-ba'i kaing-ngala mai fa!”

AYUB 10:1

Au pela-malua au so'dang-nga, boema, au kalua heni basa au samaneng-nga hoo-nggu'ung.

AYUB 10:20

Ah, ta dook-ka so'on te, neukose mate au so, soona nemen-na, fo au mesang-nga, fo ela, au hapu ame'da ita, au le'do-faing, fo bei elak ia.

AYUB 14:6

Nemen-na, fo ana hahaeaon-na, de boso eetok-kana; fo ela, ana hapu na'a nita ue-le'din buna-boan, nai maso'dan-na dalek, losa basa bela-ba'un.

AYUB 6:9

Sa'di leo been-na, Manetualain nau tao nakalulutuk au! Sa'di leo been-na, Manetualain ho'i nakeketuk fo taonisa au!

AYUB 7:15

Nalosa, au ahiik anseli, hataholi ki'du au botoliing-nga, fo mate au, neme au aso'da nai aopaak, fo henuk no doidosok ia.

AYUB 7:7

Mafandele leon, ou Manetualain, te au so'dang-nga, ka'da ani hahaek esa mesak-kana; mopo au ua-naleng, de ta la'oela leen-na fa.

AYUB 9:21

Au salang ta, tehu au ta afaduli fa. Au ta hii aso'da so'on. Ba'eneu au soona, au ta paluu hata-hata so'on; manatao salak ma manatao ndoos, ua-nalen-nala sama, fo nde: neukose Manetualain tao namopo-namate duas no'u-no'u.

MAZMUR 144:4

Hataholi daebafak ndia, sama leo ani hahaek esa, sama leo salaok, fo mopok-kana, soona, hataholi daebafak-ka, so'dan-na leondiak.

MAZMUR 39:10

Au denge-denge, de au ta huka au bafang-nga fa, nana O nde fepa-li'u au.

MAZMUR 39:13

Mamanene au huhule-haladoing, ou Manetualain, taoafik neu au dokodoeng-nga; boso denge-denge, metema au kii. Sama leo basa au bei-ba'i kaing-ngala, au leo o O ka'da ba'ihanak mesan.

MAZMUR 39:6

O maketu au teung-nga, keke'uanak nanseli! Ba'eneu O soona, au so'dang-nga sosoa-ndandaan ta. Tete'ek-ka, hataholi daebafak-ka sama leo ka'da ani hahaek-ka,

MAZMUR 62:9

Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.

MAZMUR 78:33

Boema Manetualain tao nate'e so'dan-nala, sama leo ani hahaek-ka, sila teun-nala basan nai bibii-namata'uk-ka dalek.

MAZMUR 78:39

Ana nafandele, nae sila ka'da mahahaek fo, manasapu-manalalok, sama leo anin-na fuu nenin, fo neukose, ana ta fali ma'in so'on.

PENGKHOTBAH 2:17

Hu ndia de, so'dak-ka sosoa-ndandaan ta so'on ba'eneu au, fe'ek ta so. Basa-basan manada'di taak; ka'da au usi anin mesa kana.

YEREMIA 8:3

Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”

YUNUS 4:3

Besak ia, ou Manetualain, nemen-na fo au mate leona, nana malole lenak au mate neme au aso'da.”

YUNUS 4:8

Le'do tii boema, Manetualain fe ani mato'bik-ka neme dulu mai. Isabai-na Yunus sapala'o, nanahu le'do haan-na la'en, de langan-na nono'ka bai nanahotuk-ka. Boema ketu namahehenan-na, de nahiik mate leona. Nafa'da nae, “Malole lenak au mate, neme au aso'da!”