AYUB 6:24 - Susula Malalaok Hehelu Palak Ma Hehelu Beuk

²⁴ Na, manoli au, ma matu'du au salang-nga leona! Neukose, au denge-denge, fo au amanene o hala-kokolam.

AYUB 6:24 ပူးပေါင်းရင်းမြစ်များ

AYUB 10:2

Neukose, au afa'da Manetualain ae, Ou Manetualain, boso fe salak neu au; Mafa'da mangalele'do, tao le'e de, O la'ban au.

AYUB 13:23

Au tao sala singok ba'ubee? Ela leo been-na O mafa'da basa au malena langang-nga!

AYUB 32:11

Au amanene no ta haelai amanasa, nai lelek emi kokolak, ma au ahani, nai lelek emi sanga hala-kokolak manatee-tenok.

AYUB 33:1

Hai Ayub, besak ia mamanene matalolole dede'a-kokolak, fo au sanga afa'dak ia-la.

AYUB 34:32

O moke hain so do beik soaneu Ana natu'du o sala-singok? O soo-supak hai so do beik soaneu hahae tatao-nono'i leondiak-ka?

AYUB 5:27

Ayub, ami palisak basa sila-la so. Hala-kokolak sila-la, la'en, da'di ka'da sipok-kana leona.”

AYUB 6:23

Ade, au oke o soi-tefa-mala au, do soi-mala au neme musu fo, dale kasian ta ndia mai do?

AYUB 6:25

Hala-kokolak ndoos-sa, ana tao makasufu dalek-ka, tehu, o kokolam-ma louk soona, sosoa-ndandaan ta!

MAZMUR 19:12

Basa sila-la, ala fe nasanene'dak neu O atam-ma: ngga'di matuaina, nanasadiak ba'eneu hataholi fo, manatungan-nana.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

AMSAL 25:12

Hataholi dodole maneu-a, kekena-kaka'in neu hataholi fo ana nau namanene, sama leo ndeli lilopilas, do bua-lo'a lilopilas-sa.

AMSAL 9:9

Metema o manoli-mafa'da hataholi manatee-tenok-ka soona, neukose ana da'di manatee-tenok lena seluk bai. Ma metema o manoli-mafa'da hataholi fo ana tunga Manetualain paletan-na soona, malelan-na boe tama seluk.

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

YAKOBIS 3:2

Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.