AYUB 5:5 - Susula Malalaok Hehelu Palak Ma Hehelu Beuk

⁵ Ala ketu-kolu beek nai tinan-nala dale, hataholi kamala'ak-ka, na'a henin so. Nakalenak, gandum manai dila-nggauk-ka tala'da, hataholi kamala'ak-ka na'a henin so. Hataholi manatenepeta hata-heto-a, ana maku hata-heton ma su'i-beten-nala.

AYUB 5:5 ပူးပေါင်းရင်းမြစ်များ

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

AYUB 1:17

Ana beita kokolak basa fa te ata ka telu-a ana mai neni halak-ka nae, “Manabonga uma Kasdim bubuak telu, ala kalo leni Tuan ontan-nala, ma ala taolisa Tuan atan-nala. Ela ka'da atam-ma mesak-kana naso'da, de atam-ma mai nafa'da Tuan.”

AYUB 12:6

Tehu, hataholi manabonga uma, so'dan-na nee-nee lino-linok; hataholi fo, napalani la'ban Manetualain-na, so'dan-na tetu-temak. Te se'kona, lasalai dean-nala neu lamatua daebafak-ka, fo ka'da be'i-balakaik mesak-kana.

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 20:15

Ana ko'do hata-heto nakok-kala, no nakasetik, ana muta henis; Manetualain kalua henin, neme tein dale mai.

AYUB 20:22

Lelek tetu-teman boetai kae, doidosok ma dale he'dik-ka mai tunin-nalan.

AYUB 22:10

Hu ndia de, besak ia, nai o boboa-kaisum, henuk no hihi'ik-ka, de no kaiboik, bibii-namata'uk-ka, potin-na o.

MAZMUR 109:11

Nemen-na fo, manala'ok hutak-ka, beslaa-na, hata-heton lala'ena, ma hataholi loso-na, basa hata fo, ana hapun neme sosota-mamangun mai.

YESAYA 62:8

Manetualain helu basa pake soo-supak so, de neukose, Ana tao natetun nenik koasan-na: “Neukose, Au ta fe seluk o gandum-ma, leo musu-a neu so'on; hataholi nusa dea-la, neukose ta linu seluk o angol fo, emi ketu-seun no sosota-mamanguk fa.

YEREMIA 51:34

Yerusalem nakalulutuk ma manek Babel-la na'a henis; ana fe kota ndia louk sama leo boto louk-ka boe. Sama leo bana matuaina esa ana ko'do Yerusalem ma nadai tein-na nenik basa hata neulauk fo manai kota ndia, boema ana tapa heni lenan-nala.

YEREMIA 51:44

Neukose Au huku Bel lamatua daebafak Babel, neukose Au tao-an fe falik hata fo ana loso nak-kala. Leoinak-kala ta sene-do'ok neu ndia so'on. Papala-nanadamak Babel-la tu'u heni so.

RATAPAN 2:16

Basa o musum-mala mete o mata-panam no nakamuu-nakadauk, ala hika ma latitii nisi o. Lafa'da lae, “Ami tao mamopo-mamate kota ndia so! Mate'en-na, faik fo ami mahani talu-talu moon-na, ana losa boe!”

RATAPAN 2:5

Manetualain da'di sama leo musu; Ana fepa Israel losa ndefa henin. Ana tao nakalulutuk kota musu-la boema uma manek-ka, ma Ana fe soe-a namaba'u nai laun Yehuda dalek.

HOSEA 8:7

Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

ULANGAN 28:51

Neukose la'aheni emi bana-manum, ma emi dae-oem buna-boan, ma ala ho'ileni la'iesak emi gandum, angol, mina setun, do emi sapim ma emi bi'ihii bi'ilopom-mala, losa emi mate mo la'as-sa.

HAKIM-HAKIM 6:11

Nai faik esa boema, Manetualain ata nusa so'dan-na mai leo kota Ofra mai, boema nangatuuk neu luluu aifula esa huun-na, fo Yoas hataholi esa neme Leo-ingu Abiezer-ra mai, luluu aifulan ndia. Anan-na na'de Gideon, ana bei aa'i gandum, nai mamana he'e angol-la. Ana tao ndia no nafufunik, fo ela hataholi Midian-nala boso litan.