AYUB 5:21 - Susula Malalaok Hehelu Palak Ma Hehelu Beuk

²¹ O nanananeak, de o ta kokolak manggenggeo hataholi na'den, ma ta makananasak hataholi fa; o ta bii masasalematak moo soe-a fa.

AYUB 5:21 ပူးပေါင်းရင်းမြစ်များ

AYUB 5:15

Tehu, Manetualain soi-tefan-na: hataholi nuu-taa hata-taak-ka neme mamates-sa mai, ma hataholi taidaek-ka, neme tuni-ndenik-ka mai.

MAZMUR 31:20

O dale malolem-ma, ba'uk-ka nanseli, de O sadian ba'eneu hataholi kamahehelek-ka! Basa hataholi-la lita tatao-nono'i malole, fo O taon ba'eneu sila fo manamasulu-mahapa neu O-a.

MAZMUR 31:21

O mafunis lai O li'da susuem-ma dalek neme hataholi mangalauk-ka, ke'di-ndiun mai; O maneas lai O nasulu-nahapam-ma dalek neme musu-a kalaan-na mai.

MAZMUR 55:21

Au tia-lai makahulung-nga, sapu-na tia-lain-nala, nalelesi hehelu-balataan.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

AMSAL 12:18

Kokola huu-pe'da taak-ka, bisa nakahehe'dik hataholi dalen, sama leo tafaina paun; tehu dede'a-kokolak manatee-tenok-ka, nono'kabai mo'do-akidook fo nakahahaik.

AMSAL 3:25

Ta paluu o bii-mamata'u neu soe fo ana mai no kaiboik, sama leo ani-sangu, fo ana tuni la'e hataholi manatao tatao-nono'i mangalauk-kala.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”