AYUB 5:17 - Susula Malalaok Hehelu Palak Ma Hehelu Beuk

¹⁷ Metema Manetualain ka'i o soona, o maua-manale! Metema nakamuu o soona, dalem-ma boso ba'ihana.

AYUB 5:17 ပူးပေါင်းရင်းမြစ်များ

AYUB 11:13

Ayub, tao balisi o dalem-ma, fo sale dale neme o sala-ma leona! Hule-haladoi neu Manetualain leona!

AYUB 15:11

Tao le'e de, o ta sipok Manetualain kokoe-nanasin fa? Ami kokolak no ta haelai mamanasa, ma mangana'uk, nenik Manetualain na'den-na.

AYUB 36:15

Manetualain fepa hataholi daebafak-ka, tunga doidosok-ka, Ana pake susa soaneu ala tuka tei-sale dale.

AYUB 36:16

Manetualain soi-po'i o neme toto'a-tataak-ka mai, nalosa o hapu mame'da mita mole-dame-a, ma o mei nana'am-ma, henuk no nana'ak-ka.

AYUB 8:5

Tehu, metema o masulu-mahapa neu Manetualain soona, moke dale kasian-na, ma dokodoe do'o do ampon,

MAZMUR 118:18

Manetualain fepa-li'u nanggae au so, tehu Ana ta fe au leo mamates-sa neu fa.

MAZMUR 94:12

Ou Manetualain, maua-manalek ba'eneu hataholi fo O manolin, hataholi fo, O manolin O hoholo-lalanem-mala.

YEREMIA 31:18

Au amanene hataholi Israel-la lafa'da lae, henuk no dale he'dik-ka, ‘Ou Manetualain, ami sama leo bana-manu-a fo beita nakalilik na fan, tehu O manoli ami de ami mateme so, de besak ia ami mahele aon soaneu fali ma'im-ma lo O-a neu. Da'di mo falik ami ma'im-ma lo O-a neu, Ou Manetualain, fo ami Manetualaim-ma.

ULANGAN 8:5

Mafandendelek mae emi Manetualaim-ma, nanoli emi, sama leo amak esa, nanoli anan-nala.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.