AYUB 5:11 - Susula Malalaok Hehelu Palak Ma Hehelu Beuk

¹¹ Ndia nde Manetualain, fo manaso'u namadema hataholi taidaek-ka, ma manataon-nala hataholi manato'a-taak-ka naua-nanale.

AYUB 5:11 ပူးပေါင်းရင်းမြစ်များ

AYUB 22:29

Manetualain nakadadaek hataholi manakoao-ndaeaok-ka, tehu hataholi dale taidaek-ka, nanasoi-tefak.

AYUB 36:7

Ana taoafik neu hataholi, dale ndoos-sala, Ana tao nalas, ala koasa sama leo manek-kala, nalosa nanafe ha'da-holomata losa dodoon-na.

AYUB 8:7

O su'i-betem manamopok sila-la, sosoa-ndandaan ta, metema nakasasamak-kana no hata fo, mahani te neukose o hapun.

MAZMUR 107:41

Tehu, Ana soi-po'i hataholi nuu ta-hata tak-ka, neme susan-nala dalek mai, teidalen-nala, boetai lamaba'u, sama leo bi'ilopo bubuak-ka.

MAZMUR 113:7

Ana so'u-na hataholi nuu ta-hata tak-ka neme daesopuk dale mai, ma hataholi maleu-malaak-ka neme afu dale mai.

MAZMUR 91:14

Manetualain nafa'da nae, “Hataholi manasue-lai Au-a, neukose Au soi-tefan, ma manamanaku Au-a, neukose Au asulu-ahapan.

YESKIAL 17:24

Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

ULANGAN 33:27

Manetualain nasulu-nahapa emi tataas esa, Alun fo manaketu-basa taak-ka, Ana tia-to'ba emi. Ana usiheni musu-a, neme emi matam-ma mai, fo nadenu emi, tao mamate-mamopos.

YAKOBIS 1:9

Hataholi kamahehele nuu ta-hata ta ka, ela leo bee na namahoko, metema Manetualain so'u namadedeman.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.