AYUB 42:8 - Susula Malalaok Hehelu Palak Ma Hehelu Beuk

⁸ Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

AYUB 42:8 ပူးပေါင်းရင်းမြစ်များ

KEJADIAN 20:17

Manetualain taon-na basa inak manai Abimelekh uma manen-na, manabongi tak no'u-no'u, nanahu manada'dik no Sara, fo Abraham saon ndia. Boema, Abraham hule-haladoi neu Manetualain, de Manetualain tao nalea-nahai Abimelekh, saon-na ma ata inan-nala, nalosa inak sila-la hapu bongi seluk.

KEJADIAN 20:7

Tehu besak ia, fe falik-kana leo saon-na neu. Saon-na nabi esa, de neukose ana hule-haladoi soaneu o, fo ela boso mate o. Tehu metema, o ta nau fe falik-kana fa soona, mafandendelek te, neukose mate o moo basa o laum-mala lala'en-na!”

1 TAWARIKH 15:26

Ala fe sapi mane hitu ma bi'ilopo hitu leo Manetualain neu, nanahu Ana tulu-fali hataholi Lewi fo manandolo Peti Hehelu-balataak ndia so.

2TAWARIKH 29:21

Soaneu tutunu-hohotu fe do'o do ampon neu manek-ka teidale-bobongin ma Yehuda laun-nala sala-singon, ma soaneu tao nalalao-nalalafu Manetualain Uman-na, de leni sapi mane hitu, bi'ilopo mane hitu, bi'ilopo ana hitu ma bi'ihii mane hitu. Manek-ka nadenu imam-imam fo Harun tititi-nonosin-nala tunu-hotu bana sila-la nai mei tunu-hotuk lain da'di leo tutunu-hohotu nanatunuk.

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

AYUB 1:8

Boema, Manetualain natanen nae, “Ade o taoafik neu Au atang Ayub do ta? Nai basa daebafak-ka lala'en-na, ta hapu hataholi lilineka leondiak, ma dalen-na malole sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa.”

AYUB 22:30

Metema, o salam ta, ma o tao tunga Manetualain hihii-nanaun soona, Ana tulu-fali o.”

AYUB 35:8

O sala-singom, ka'da tao nakatutu'dak o nonoo hataholim-ma. Ndia boeo, nde hapu nanalak neme o malolem-ma mai.

AYUB 42:9

Elifas, Bildad ma Zofar tao hata fo, Manetualain nadenun, de Manetualain sipok Ayub huhule-haladoin.

MAZMUR 103:10

Ana ta huku ita, nandaa no ita sala-singon fa, do Ana balas ita, nandaa no ita salan-na fa.

KELUARAN 18:12

Basa boema, Yitro neni bana tutunu-hohotu nanatunuk, ma bana tutunu-hohotu nanado'dok de'ubee, fo da'di leo tutunu-hohotuk fe Manetualain. Harun ma basa leoina Israel-la mane leon-nala mai, de la'a sama-sama loo Yitro nai Manetualain matan.

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

YEREMIA 14:11

Manetualain nafa'da au nae, “Boso moke Au tulu-fali hataholi sila-la.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 45:23

Nai lelek, feta fai ka hituk ndia, beita basa fan, tunga faik, ana muse tunu-hotu fe Manetualain, sapi mane hitu, ma bi'ilopo mane hitu, ta lu'u-la'ak-kala fa, fo ana tunu katemak-kasa. Tunga faik, ana muse tunu-hotu bi'ihii mane esa boe, soaneu tutunu-hohotuk fo, sala-singok hapu do'o do ampon.

BILANGAN 23:1

Boema, Bileam nafa'da Balak nae, “Mapadedeik fe au, mei tunu-hotuk hitu mai mamanak ia, ma sadia-ma, sapi mane hitu, ma bi'ilopo mane hitu mai ia.”

BILANGAN 23:14

Boema, Balak no Bileam leo mook Zofim-ma neu, fo nai Letek Pisga poin-na. Nai ndia boeo, napadedeik na mei tunu-hotuk hitu, fo nai mei tunu-hotuk sila-la, esa-esak lain, ana tunu-hotu sapi mane esa, ma bi'ilopo mane esa.

BILANGAN 23:29

Boema, Bileam nafa'da Balak nae, “Mapadedeik mei tunu-hotuk hitu mai mamanak ia, ma sadia-ma sapi mane hitu, ma bi'ilopo mane hitu mai ia.”

MATEOS 3:17

Basa ndia boema Manetualain hala na nana namanenek nae, “Au ana susue-lalai nga nde ia. Ana tao namahohoko Au dale nga.”

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

2 TIMOTIUS 4:14

Nana Aleksander fo tuka liti ndia, ana tao mangalauk ba'u ka la'eneu au so. De neukose Lamatua ka, Ana balas ana, nandaa no tatao-nono'in.

IBRANI 10:4

nanahu memak sapi daa no bi'ihii mane daa, ala ta hapu loseheni sala-singok fa.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.

YAKOBIS 5:14

Metema nggelok lamahe'di soona, ela leo bee na nalo ma Penatua la ala hule-haladoi fen, ma ala lose mina neu hataholi kamahe'dis ndia, ninik Lamatua ka na'de na.

YAKOBIS 5:16

Hu ndia de, ela leo bee na, esa nafa'da sala na neu esa, ma esa hule-haladoi fe esa, fo ela emi hapu lea-hai. Hataholi fo ana hule-haladoi tunga Manetualain hihii-nanau na, nanuu koasa matua ina.

1 YOHANIS 5:16

Metema emi mita emi nonoo salanim esa, ana tao salak esa, leomae ta nini mamates fe fan, soona ela leo been-na, emi hule-haladoi neu Manetualain fo Ana fe hataholi ndia, maso'da matetu ka, ma mana ketu basa ta ka. Dede'ak ia nandaa no hataholi fo ana tao salak, te salak ndia ta nini mamates fe fan. Tehu emi boso hule-haladoi neu Manetualain, soaneu hataholi fo sala na nini mamates. Emi tao salak soona, hule-haladoi neu Manetualain.

1 YOHANIS 5:6

Yesus Kristus mai leo daebafa ka mai, boema salanin ma maten. No enok ndia, Ana mai ta ka'da no oe mesa kana fa, te no oe ma daak. Boema Manetualain Dula Dale na sakasii nae, memak dede'ak ndia, tete'e ka. Mafandendelek te, Dula Dale ka, ta masa pepeko-masandandalik fa.

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.

SEMUEL SUSULAK-KA ESAN-NA 25:35

Basa ndia boema, Dauk sipon-na Abigail neni fen popotik-ka, boema nafa'dan nae, “Fali mu'um-ma leo o umam muu leona, fo boso bii. Te au sipok o nonokem-ma.”