AYUB 42:11 - Susula Malalaok Hehelu Palak Ma Hehelu Beuk

¹¹ Basa Ayub ka'an-nala, ma feton-na, boema basa hataholi nalela palaan-nala, ala mai donge-daman, boema ala feta sama-sama lon, nai uman. Lafa'da lae sila boeo, tunga susa neu basa susa-soe lala'en fo, Manetualain fen neu Ayub, boema ala fen kokoe-nanasik. Sila esan-na, fe Ayub doik, ma ndeli lilopilas beke esak.

AYUB 42:11 ပူးပေါင်းရင်းမြစ်များ

KEJADIAN 24:22

Basa onta-la linu lakabete boema, Abraham atan-na ho'i-na ndeli lilopilas esa, de ana taon neu anafe'oanak ndia panan-na. Ma ana tao sue lilopilas dua neu lima lesun-na.

KEJADIAN 24:53

Boema, ana kalua bua papakek, lilo-henu, lilofulak, lilopilas, de ana fe basa sila-la leo Ribka neu. Ana fe ka'an ma inan, bua palsen kabeliina-la.

KEJADIAN 37:35

Basa anan-nala, nau touk do inak boe, ala mai kokoe-nanasin, tehu ana ta nau kokoe-nanasi fan. Nae, “Neukose au kii-makaleleu ahele au anang-nga losa au mate.” Leondiak ana falu nahele nanahu anan Yusuf.

AYUB 16:5

Neukose, au atetea-ahehele emi dalem-ma, nenik nadedenuk mata-matak-kala; au dede'a-kokolang, neukose ana fe kokoe-nanasik.

AYUB 2:11

Ayub tia-lain telu, lamanene susa-soe fo manatuni la'e Ayub-pa. Ayub tia-lai ka telun sila-la, nde Elifas neme kota Téman-na mai, Bildad fo hataholi Suah, ma Zofar fo hataholi Naama. Ala lalahalak, leu donge-dama Ayub, fo ala kokoe-nanasin.

AYUB 4:4

O hala-kokolam, neni manggatek, O hela mafofo'a hataholi manamakatunuk-ka, manandole-ndakuk-ka, ma manasota-manguk-ka.

AMSAL 14:20

Hataholi-a nape'da dale nasak hataholi nuu-taa hata-taak-ka, lena-lenak tia-lain-nala; tehu hataholi kamasu'i-makabetek-ka, tia-lain makadotok.

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

YOHANIS 11:19

Hataholi Yahudi ba'u ka leu donge Marta no Maria, fo ala kokoe-nanasis, nana tolanoo na mamaten ndia.

ROMA 12:15

Mamahoko mo hataholi manamamahoko kala, ma kii mo hataholi manakii kala.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

IBRANI 12:12

Hu ndia de, tao balakai emi limam mana ndole-ndaku mala, ma emi lungulanga mana delem ndia!

IBRANI 13:3

Mafandendelek leona te, hataholi manai bui dale la, nono'ka bai emi boeo nai bui dale sama-sama mos. Ma hataholi-hataholi fo ala tao su'dibebe'i ka lo sala, ela leo bee na emi mafandeles, nono'ka bai ala tao emi leondiak boe.

YOSUA 24:32

Latoi Yusuf popolan fo hataholi Israel-la lenin neme Masir mai-a, nai Sikhem, nai dae fo Yakob asa-nan nenik doifulak natun esa neme Sikhem anan Hemor, anan-nala mai. Yusuf tititi-nonosin-nala hapu dae ndia.

SEMUEL SUSULAK-KA ESAN-NA 10:27

Tehu, hataholi mangalauk de'ubee lafa'da lae, “Masa bole, hataholi ia masosoa-ndandaak ba'eneu ita?” Lakadadaek Saul, ma ala ta fen bua palsen fa, Tehu, ta'ko ana ta bubuluk fa.