AYUB 41:10 - Susula Malalaok Hehelu Palak Ma Hehelu Beuk

¹⁰ Metema, fafae nafo'an neme susungun dale mai soona, nasan-na fo'a; ta hapu hataholi esa boen, napalani napadeik nai matan-na fa.

AYUB 41:10 ပူးပေါင်းရင်းမြစ်များ

KEJADIAN 49:9

Yehuda sama leo singa molisoluk; ana taonisa musun-na, boema ana fali leo ndunun dale neu; nananaua, boema nangape'uk ma ta hapu hataholi esa boen, napalani fafae fan.

AYUB 3:8

Hai, hataholi malelak ma manamanea Lewiatan-nala lemin, fe soo-supak ma soe-a, tunin-na faik ndia;

AYUB 3:9

boso nalosak, nduuina nasalaa, boso fe dulufula! Nemen-na, fo palsuma la'iesak-kana, le'odaek ndia nahani fai, ma namahehena beuk-ka mamain-na.

AYUB 40:9

Ade, o balakaim-ma, sama leo Au do? Ade, o halam-ma, bisa nadodolo sama leo Au do?

AYUB 41:9

Ba'eneu hataholi see, fo nita Lewiatan-na soona, neukose aon-na ndole-ndaku, boema ana sapala'o

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

YEREMIA 12:5

Manetualain nafa'da nae, “Yeremia, metema o da'di manasotak makasusu'dik mo hataholi daebafak-ka, ma neme bee mai-a o bisa makasusu'dik mo ndala-a? Metema o bii-mamata'u nai dae aek-ka, o tao-no'i beek-ka, nai lelek o nai nula na'uanak dea fo nai lee Yarden-na su'un?

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

YEREMIA 50:44

Sama leo meo asu to'da neme lasi ina dale fo deka no Lee Yarden, ma ana mai leo mook fo bi'i lopo-la mamana nana'a na'u-nala, neukose Au leondiak, Manetualain mai fo ana tao-na hataholi Babel-la lalai la'o ela sila kota no kaiboianak. Boema neukose Au hele malangan esa fo ana paleta leoina ndia. Hapu se fo nananakasasamak no Au? See napalani tao dede'ak neu Au? Ade hapu malangan esa fo la'ban Au?

BILANGAN 24:9

Leoina ndia, sama leo singa mane, ma singa ina, fo ana laek, ma nangape'uk. See kande napalani tao nafo'an-nana? Sa'di leo been-na, hataholi manafe o baba'e-papalak-ka, nanaba'e-palak, ma hataholi manasupa-soo o-a, nanasupa-sook.”

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?