AYUB 40:11 - Susula Malalaok Hehelu Palak Ma Hehelu Beuk

¹¹ Mete sila fo, dalen-nala manakoao-ndaeaok; Fe o nasam-ma lua ponu-ponu, fo makadadaek-kasa.

AYUB 40:11 ပူးပေါင်းရင်းမြစ်များ

AYUB 20:23

Lelek, ana pue-lau no na'a-ninuk-ka, Manetualain namanasa nanseli, de Ana hukun.

AYUB 21:30

Lafa'da lae, “Nai faik fo Manetualain fe huhukuk-ka, basa hataholi manatao tatao-nono'i mangalauk-kala, neukose nanasoi-tefak.”

AYUB 27:22

Susa-soe tuni la'en, no ta pake dale kasian fa, de nau do ta nau fa, neu sanga nasulu-nahapak

AYUB 4:9

Nono'kabai, ani-sangu-a, leondiak boe Manetualain nasa-melun, tao namopo-namates, losa mopos!

AYUB 9:5

Manetualain kekoheok letek-ka, te hataholi ta bubuluk fa, boema Ana fae nalenga-natonon, nenik nasa-melun.

MAZMUR 144:6

Tapa O mandelam-ma mai, fo ela musu-a tapasasala, po'i O kokou isim-ma mai, fo ela ala lakalupu.

MAZMUR 94:2

Fo'a leon, ou Manakee-manafula daebafak-ka lala'ena, huku hataholi manakoao-ndaeaok-ka, nandaa no sila tatao-nono'in.

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

YESAYA 22:19

Hu ndia de, neukose Au kaluaheni o neme o kandela nangatutuum-ma mai, ma Au akonaheni o, neme o pangkat mademaina-ma mai.

YESAYA 23:9

Manetualain Fo Manakoasa, Ndia nde ho'i nakeketuk ndia. Ana ho'i nakeketuk, soaneu tao nate'e laun-na koao-ndaeao neu, ala hapu basa buna-boak lala'en-na, ma nakadadaek hataholi fo nanafe ha'da-holomata nai daebafak-ka.

YESAYA 25:11

Neukose laun-na look liman-na, sama leo hataholi fo, ana sanga suik. Tehu neukose, Manetualain nakadadaek sila fo, manakoao-ndaeaok-kala, nalosa mopo be'i-balakain.

YESAYA 26:5

Manetualain nakadadaek hataholi manakoao-ndaeaok-ka; Ana tao nakalulutuk sila kota musun-na ma Ana taon-nan, nakatetepak no dae bafan-na.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YEREMIA 48:29

Emi madedema aom-manseli! Au amanene emi koao-ndaeaom-ma, ha'da palii mangalaum-ma, ma madedema aom-ma nanseli so!

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

DANIAL 4:24

Ama Manek, ninitan ndia sosoa-ndandaan nde ia, ma Manetualain Fo Mademaina nakeketun la'eneu Ama Manek-ka nde ia.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

NAHUM 1:8

Sama leo faa matuaina ana mai, Ana tao nakalulutuk musun-nala. Sila fo lapalani la'ban-nana, Ana hotu fes nenik mamates-sa, nalosa mopo-mates.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

LUKAS 18:14

Yesus nae, “Mamahele leona, te nai lelek ala fali le'us leo uma leu te, Manetualain sipo ka nde manasusu bea ndia, te hataholi Farisi ndia fa. Nana basa hataholi fo namatutua-namadedema aoina na, neukose nananakaloloe-nakadadaek; ma basa hataholi fo nakaloe-nakadae aoina na, neukose nananamatutua-namadedemak.”

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”