AYUB 4:6 - Susula Malalaok Hehelu Palak Ma Hehelu Beuk

⁶ Ade, o lilineka neu Manetualain hetu; ade, o so'dam-ma, ta mabu'u-ba'ek fa hetu? Metema leondiak soona, nandaa o mamahele, fo ta ketu o namahehenam-ma fa.

AYUB 4:6 ပူးပေါင်းရင်းမြစ်များ

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AYUB 13:15

Au daleng-nga kisak, nana ketu au namahehenang-nga so! Metema, Manetualain sanga taonisa au soona, au ta aule-ahelu fa, tehu, neukose au asala'e ha'da-paliing, nai matan-na.

AYUB 16:17

Tehu, au ta tao naseti-nalakak fa; de au hule-haladoi, no dale ndoos neu Manetualain.

AYUB 17:15

Au namahehenang-nga, nai bee; see nita, hapu ua-nalek soaneu au?

MAZMUR 26:1

Dauk kokoa-kikion-na. Fe au ndoos ma matetuk-ka, ou Manetualain, nana au aso'da no dale ndoos. Au amahena neu Manetualain, de au daleng-nga ta naba'e faaanak boen.

MAZMUR 27:3

Leomae solda'du bubua matuaina esa, nakahapi-na au boe, neukose au ta bii-amata'u fa. Leomae natee-natatik da'di, fo la'ban au boe, au amahena ahele.

AMSAL 14:26

Hataholi fo namahele neu Manetualain-na, ana hapu tetu-temak, ma teidalen-nala, neukose ala hapu nasulu-nahapak.

AMSAL 3:26

Neukose Manetualain nanea o. Neukose Ana ta po'ilotak o tu'da leo hihi'ik dale muu fa.

YESAYA 33:6

ma Ana fe anan-nala, latapo'i leme soe-a mai. Hata fo, manasoi-tefa-nala sila nde been-na, nde manatee-tenok-ka, ma malelak-ka, boema fe ha'da-holomata neu Manetualain.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.