AYUB 39:11 - Susula Malalaok Hehelu Palak Ma Hehelu Beuk

¹¹ Ade, o bisa mamahena, balakai matuainan-na, fo o fen naue-nale'di, o ue-le'di mabelam-ma do?

AYUB 39:11 ပူးပေါင်းရင်းမြစ်များ

KEJADIAN 1:26

Basa boema, Manetualain nafa'da nae, “Besak ia, Ata tao hataholi daebafak-ka, fo neukose ana da'di sama-na leo Ita, ma lupa-aon sama leo Ita. Neukose, ala koasa basa i'ak-kala, manupui-la, ma basa bana fe'ek-kala, nau kamaus do fuik boe, nau matua do ana boe.”

KEJADIAN 1:28

Basa boema, Ana fes baba'e-papalak, nenik hala-kokolak nae, “Bongi-ma, upu-anak makadotok, fo ela o tititi-nonosim leo lahenu daebafak-ka lala'en-na, boema, ala koasa daebafak-ka. Au fe emi bela-ba'uk, fo ito-ato i'ak-kala, manupui-la, ma basa bana fuik-kala.

KEJADIAN 42:26

Basa ndia boema, Yusuf ka'an-nala fua gandum fo ala asa laak-kala leo sila keledein lain neu, boema ala la'o leme mamanak ndia mai leona.

KEJADIAN 9:2

Basa manupui-la, ma i'ak-kala, boema bana fe'e-fe'ek lala'en-na, neukose ala bii-lamata'u neu o. Basa-basas lai o koasam-ma dalek.

AYUB 39:10

Ade o bisa pa'a-man, fo o lakan nakauuk fe o do? Ade o bisa madenun, fo ana foi-fala o tinam-ma do?

AYUB 39:12

Ade, o mamahelen, ana ba'un-na kabubua o keketu-kokolum buna-boan, ma o moon leo o mamana popo'de gandum-ma neu do?

MAZMUR 144:14

Ela leo bee-na, ita sapin-nala, boetai lamade'u, ma ta hapu mopo do kalaheni fa. Ela leo bee-na, ta tamanene hoo-nggu'u doidosok nai ita kotan-na, enon-nala fa.

MAZMUR 147:10

Manetualain dale hiin-na, ta nde ndala balakaik-ka fa; boeo tan de palani tatibatu-a fa

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

AMSAL 14:4

Sapi ta soona, ta hapu buna-boak nai tina fa; tehu no sapi be'i-balakain, de buna-boak sasi kao-kao.

YESAYA 30:16

Nakalenak emi sanga enok fo malai meme musu-a, nenik emi sa'e ndala, fo malai no lai-laik. Malole so! Memak, mahani te, emi muse malai! Emi maedaenga, emi ndalam ndia, nalain-na seli, te se'kona, manausik-kala, nalain-nala lai-laik lena nanseli.

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.

YESAYA 46:1

Babel lamatua daebafan-nala, babasan-na nde ia; makahulun-na, dodoki-dudulak Bel ma Nebo, nanasene-do'ok, tehu besak ia, nanafuak nai bana-manu lain, de ala da'di lelepa mabela, soaneu bana-manu manasota-manguk-ka.

BILANGAN 23:22

Manetualain nde nos kalua leme Masir mai; Ana natee-natati soaneus, sama leo sapi fuik-ka.