AYUB 38:8 - Susula Malalaok Hehelu Palak Ma Hehelu Beuk

⁸ See kande, kena-ketu lelesu-a, fo ana bakate'te tasi maloaina nai lelek oe-a nasapupulak, neme daebafak-ka buin-na mai?

AYUB 38:8 ပူးပေါင်းရင်းမြစ်များ

KEJADIAN 1:9

Basa boema, Manetualain kokolak nae, “Ela leo been-na, oe manai lalai-a dae, ana faa leo mamanak esa neu, fo ela hapu dae ma'dak.” Boema ana da'di leona.

AYUB 28:25

Lelek anin-na fen be'i-balakaik, ma naketu tasi maloaina, too-lanen;

AYUB 38:10

Au aketu tasi maloaina, too-lanen, ma Au bakate'ten, nenik lelesu nananggoe nisak.

AYUB 38:9

Au nde lala ketu tasi-a, nenik ko'as-sa, de Au potin nenik makahatuk-ka.

MAZMUR 104:6

O poti ketun nenik tasi maloaina, de oen-na lifu-na, letelepak-kala poin-na.

MAZMUR 107:24

Ala lita Manetualain tatao-nono'in-nala, tatao-nono'in, fo dodoo doak-kana, nai tasi lai.

MAZMUR 33:7

Ana tao nakabubua tasi oe-a, neu mamanak esa, nakataka nahele tasi maloaina nai te'te dale.

AMSAL 30:4

Hataholi see-ka, kae-kona hai nusa so'dak-ka so? Ana nafanggete hai anin-na neme liman dale, ma ana poti oe nai ba'dun dale, do naketu daebafak-ka, too-lanen so do beik? See ndia, ma anan-na nde see? Tao leo bee-o, o bubuluk-kana!”

AMSAL 8:29

nai lelek Ana paleta tasi oe-a fo ela boso seli daetoon-nala. Au emen-na boe nai lelek daebafak-ka neten-na nanape'dak.

YESAYA 40:12

See kande, ana diku liman-na fo ana uku tasi oe-a, do ana uku lalai-a, nenik ana tenga nenik lima ku'un-na? See kande, ana uku dae manai daebafak-ka, nenik tatais do ana tai letek ma pupukuk-kala, nenik tatais?

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.