AYUB 37:23 - Susula Malalaok Hehelu Palak Ma Hehelu Beuk

²³ Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 37:23 ပူးပေါင်းရင်းမြစ်များ

AYUB 11:7

Masa bole, o bisa malelak Manetualain dudu'a-aafin? Masa bole, o malelak koasan-na too-lanen?

AYUB 11:8

Koasan-na, dema lena heni lalai maloa; o ta bisa dai fan, fo o ho'i ma fan. Koasan-na, dema lena heni, hataholi manamatek-kala, daebafan-na, o ta bisa malelak-kana, makandondook fa.

AYUB 26:14

Tehu basa sila-la, ka'da ta'du-tana neme koasan-na mai; ka'da namakukutuk esa, fo ana losa ita di'idoon-na. Ita malelan-na, ka'da faaanak mesan, la'eneu Manetualain ma koasa matuainan-na!”

AYUB 36:26

Manetualain te'e-te'e, mandela-masa'ak, de ita ta hapu dodoo tala fan, do leke-tala, teun-na dede'un-na fa boe.

AYUB 36:3

Au malelang-nga ba'uk-ka; de neukose, au pake malelak ndia, soaneu au fe buti, ae Manamakadada'dik au-a nde been-na, ndoos ma matetuk.

AYUB 36:5

Manetualain ndia, mabe'i-balakaik ma palani! Nalak basa hata lala'en-na. Ana ta nakadadaek hataholi esa boen.

AYUB 37:19

Manoli ami, hata fo ami musa mafa'dan neu Manetualain; ami ta bisa mafa'da mangalele'do hata esa boen, nana ami dudu'a-aafim ta dai fa.

AYUB 37:22

Mangale'do manahiik-ka, ana to'da mai, neme kii mai, ma Manetualain mandela-masa'an, taon-na ita tasamanan.

AYUB 8:3

Beita la'i esa fo, Manetualain tao peko-pakik, ndoos ma matetuk-ka fa; beita la'i esa fo napadedeik natetetu ndoos-sa, fo ta da'di fa.

AYUB 9:19

Ade, au muse akasusu'di balakaik on do? Tehu mitak, be'i-balakain ba'un-na seli! Leo uni'ka, au kalaak au dede'ang-nga neun, soona see kande napalani naloon leo manakee-manafula matan neu?

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

MAZMUR 145:3

Nana Manetualain matua-madema, ma nanakoa-nanakiok nanseli, matua-mademan ta hapu dodoo-nala fan.

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

MAZMUR 62:11

Boso mamahena, emi kalo mini bua kakalok-kala, ma boso masalai deam-ma neu bua kakalok sila. Nakalenak, metema emi su'i-betem boetai lamaba'uk-ka soona, boso tao emi dalem-ma neun.

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

MAZMUR 65:6

O mataa ami, nenik O fe ami sesengik, O tao dede'a manada'di beuk-kala, soaneu O soi-tefa-mala ami! O nde namahehenak ba'eneu basa leoina lala'en-na, losa tasi maloaina manai dook eli.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

MAZMUR 93:1

Manetualain nde bee-na, Manek; Ana pake papake-ngganggao matua-madema ma mabe'i-balakaik. Daebafak-ka napadeik natetu, de ta nanggengo fa.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

PENGKHOTBAH 3:11

Naketu basa hata lala'en-na nandaa no fain-na. Ana fe ita dalek fo nahiik soaneu bubuluk fai manamaik-ka, tehu ita ta tabe'i soaneu talelak Manetualain tatao-nono'in neme makasososan losa mate'en-na.

PENGKHOTBAH 7:24

See hapu natongo no maso'dak ia sosoa-ndandaan? Deman-na seli soaneu hapu talelak-kana!

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YESKIAL 18:23

Ade, o dodoo mae, Au Manetualain Fo Mademaina, namahoko, metema mate hataholi mangalauk-ka do? Ta makandondook! Au hii, ana tukatei-saledale neme sala-singon-nala mai, fo ela naso'da nahele.

YESKIAL 18:32

Metema, mate hataholi esa soona, Au susa. Tukatei-saledale meme emi sala-singom mai, fo ela emi maso'da mahele. Au, Manetualain Fo Mademaina, nde manakokolak-ka.”

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

1 TIMOTIUS 6:16

Ka'da Ndia mesa kana nde, mamate sa ta koasa nala fan; Naso'da nai ndela-sa'a ka dalek, fo ta hapu hataholi esa boen, deka no fan. Ma hataholi daebafak esa boeo, beita nitan la'iesa boen, do hapu nita hai son. Basa ha'da-holomata ma koasa ba'eneun, losa dodoo na! Tete'e ka.

IBRANI 12:10

Ita ina aman fo manai daebafa ka, lanoli ita ka'da nai faik fo nanuu too-lane. Tehu Manetualain nanoli ita soaneu ita malole na, fo ela ita da'di malalaok sama-sama ton.