AYUB 36:7 - Susula Malalaok Hehelu Palak Ma Hehelu Beuk

⁷ Ana taoafik neu hataholi, dale ndoos-sala, Ana tao nalas, ala koasa sama leo manek-kala, nalosa nanafe ha'da-holomata losa dodoon-na.

AYUB 36:7 ပူးပေါင်းရင်းမြစ်များ

KEJADIAN 23:6

“Ami fe ha'da-holomata neu Tuan, da'di leo mauli-malanga balakaik nai ami dalek, da'di matoi Tuan saon-na, neu ami bolo mamate mana'a hiim-ma dalek. Ami basa-basam-mala mamahoko, sadia fe Tuan saon-na, bolo mamates.”

KEJADIAN 41:40

Neukose au so'u o da'di filana, ma basa au laung lala'en-na neukose ala tunga o paleta ma. Ka'da au mesang-nga nde anuu koasa lena neme o mai.”

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

ESTER 10:3

Mordekhai, fo hataholi Yahudi ndia, nangatuu nahele nangatutuu mademan-na, nai Mane Ahasyweros-sa dae. Mordekhai leoinan-na fe ha'da holomata neun ma lahiik-kana. Ana puselaipana no sanga enok soaneu leoinan-na, boema basa tititi-nonosin lala'en-na, so'da-molen ma tetu-teman.

AYUB 1:3

Fe'ek neme ndia mai boe, nanuu ata makadotok, bi'ilopo 7.000, onta 3.000, sapi 1.000, ma keledei natun lima. Dede'a keke'un-na hataholi ia nde been-na, hataholi kamasu'ik nanseli, nai laun manai nusak Dulu-a dalek.

AYUB 22:29

Manetualain nakadadaek hataholi manakoao-ndaeaok-ka, tehu hataholi dale taidaek-ka, nanasoi-tefak.

AYUB 31:4

Tao leo bee-o, Manetualain bubuluk basa, au tatao-nono'ing lala'en-na; ma nita basa au ei nggangganing lala'en-na.

AYUB 4:7

Dodoo su'dik-kana, ade, susa-soe, beita tuni la'e hai, hataholi sala taak-ka fa do?

AYUB 42:12

Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

AYUB 5:11

Ndia nde Manetualain, fo manaso'u namadema hataholi taidaek-ka, ma manataon-nala hataholi manato'a-taak-ka naua-nanale.

MAZMUR 33:16

Manek-ka ta sengi, hu kande solda'du makadoton-nala fa, solda'du ta naso'da, hu kande be'i-balakain fa.

MAZMUR 33:18

Manetualain nanea, hataholi kamahehelek-kala, fo lamahena neu susue-lalain-na.

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

MAZMUR 34:16

Manetualain taoafik neu, hataholi manatao ndoos-sa, Ana namanene, metema ala nggasi fo loke tutulu-fafalik.

MAZMUR 41:12

Metema musu-a, ta sengi au fa soona, au bubuluk ae O mook au.

YESAYA 22:23

Neukose Au fen nangatutuu matea-mahelek, sama leo ai papakuk-ka, nanapaku nahelek nai papala nanadamak-ka. Boema neukose, ana da'di kandela mandela-masa'ak ba'eneu teidalen-nala.

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

2 TESALONIKA 3:3

Tehu Lamatua ka, mana lilinekak. Neukose natetea-nahehele emi, ma nasulu-nahapa emi neme Hataholi Mangalauk ndia mai.

1 PETRUS 3:12

Nanahu Lamatua ka mete-nakanae tataas esa neu hataholi mana tao tunga hihii-nanau na, boema Lamatua ka namanene tataas esa neu sila huhule-haladoin; tehu Lamatua ka la'ban hataholi mana tao-no'i tatao-nono'i managalau kala.”

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.