AYUB 36:31 - Susula Malalaok Hehelu Palak Ma Hehelu Beuk

³¹ Enon-na nde ndia, Ana fe maso'dak, neu leoina-na, ma Ana fe nana'a-nininuk manasasi kao-kaok-ka.

AYUB 36:31 ပူးပေါင်းရင်းမြစ်များ

KEJADIAN 19:24

No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu.

KEJADIAN 6:17

Te neukose, Au fe faa tuak-ka mai, fo ana tao namopo-namate basa mahahae maso'dak, fo laso'da nai daebafak-ka. Basa hata lala'en, fo manai daebafak-ka, neukose mate la'iesak-kasa,

AYUB 36:30

Ana nangale'do-na lalai lala'en-na, nenik ndelas-sa, tehu tasi buin-na, makahatu kiu-kiuina nahele.

AYUB 37:13

Manetualain fe u'dan-na mai, fo ana tao nakadoe dae-a, do boeo, soaneu Ana huku hataholi daebafak-ka; fafa'kama, soaneu Ana fes lita, susue-lalain ba'un-na seli, nahele losa dodoon-na.

MAZMUR 136:25

Ana fe mahahae maso'dak-kala esa-esak, la'a; susue-lalain manaketu-basa tak, losa dodoon-na.

HATAHOLI 14:17

Tehu Ana ta nafandeleheni fe buti la'eneu aoina na, fo nde Ana tao malole. Ana fe emi u'dan neme lalai mai, fo dae-oe laisi-lamina, la'e fai na. Ana fe emi nana'a-nininuk fo nandaa no emi dale ma.”

ULANGAN 8:15

Manetualain nauli-nalanga emi, tunga moo solokaek maloaina, fo neni bibii-namata'uk, ma henuk no menge makaak-ka ma kulak-kala ndia. Nai dae ma'dak, fo oe ta nai ndia fa, Ana fe oe-a faa neme batu dale mai, fo ela emi hapu minu losa emi makabete.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

YOSUA 10:11

Nai lelek hataholi Amori-la bei loe letek ndia, nanahu lalai leme solda'du Israel-la mai boema, Manetualain fe u'da eis matuaina-la tu'da leme lalai mai de tuni-nalas, su'di enok-ka nanalun-na losa Azeka. U'da eis ndia tunenisa hataholi-la, de'u lena hataholi Israel-la taolisak-kala.

SEMUEL SUSULAK-KA ESAN-NA 12:18

Boema Semuel hule-haladoi, de nai faik ndia boe, Manetualain fe mangguluk-ka ma u'dan-na mai. Basa leoina ndia lala'en-na, bii-lamata'u neu Manetualain ma Semuel.

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”

SEMUEL SUSULAK-KA ESAN-NA 7:10

Lelek Semuel bei tunu-hotu tutunu-hohotuk ndia te, hataholi Filistin-nala mulai sapu; tehu nandaa no hatematak ndia boe, Manetualain namansa de halan-na nadodolo neme lalai mai neu hataholi Filistin-nala. Ala tapasasala, boema lalai no lapangamak.