AYUB 36:3 - Susula Malalaok Hehelu Palak Ma Hehelu Beuk

³ Au malelang-nga ba'uk-ka; de neukose, au pake malelak ndia, soaneu au fe buti, ae Manamakadada'dik au-a nde been-na, ndoos ma matetuk.

AYUB 36:3 ပူးပေါင်းရင်းမြစ်များ

AYUB 32:2

Tehu hataholi esa nai ndia boe, na'de Elihu, fo Barakheel anan-na, fo Bus tititi-nonosin esa nde ndia, neme teidalek Ram-ma mai Ana ta bisa nakatatakak-na nasan-na fa, hu kande Ayub nafa'da nae, ndia ndoos, ma ana fe salak neu Manetualain.

AYUB 32:8

Tehu, manafe manatee-tenok-ka neu hataholi daebafak-ka, nde ka'da Manetualain Fo Manakoasa, Duladalen-na.

AYUB 34:5

Ayub nafa'da nae, ‘Ta hapu salak nai au fa, tehu Manetualain ta nau fe au, ndoos ma matetuk-ka fa.

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 4:17

‘Ade, hapu hataholi sala tak nai Manetualain matan do ta? Ade, hapu hataholi bu'u-ba'en ta, nai Manetualain, mata memeten-na fo manamakadada'dik-kana do ta?

AYUB 8:3

Beita la'i esa fo, Manetualain tao peko-pakik, ndoos ma matetuk-ka fa; beita la'i esa fo napadedeik natetetu ndoos-sa, fo ta da'di fa.

MAZMUR 11:7

Nana Manetualain malole, ma ndoos ma matetuk, Ana sue-lai hataholi manatao tatao-nono'i malole-a; hataholi dale ndoos-sa, neukose nita ma nalelak Manetualain.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

MATEOS 12:42

Neu Fai Mate'e ka te, ina mane ka neme nusa Kona mai, fo neukose ana fo'a no hataholi besak ia la, fo ana kalaak asa. Nanahu soaneu ana nau namanene Salomo fo hataholi manatee tenok ndia, nanoli-nafa'dan, de ina manek ndia, ana la'ok doo na seli neme daebafa ka pe'da na mai. Tehu besak ia, hapu hataholi nai ia, ba'u lena Salomo!”

ROMA 9:14

Ade besak ia, ita ho'i nakeketu na leo beek? Ita tafa'da tae, Manetualain ta naketu tunga ndo na fa do? Mae tao leo bee o, Manetualain naketu tunga ndo na.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!