AYUB 36:21 - Susula Malalaok Hehelu Palak Ma Hehelu Beuk

²¹ Manea matalolole leona, fo boso fali leo tatao-nono'i mangalauk-ka mu. O doidosom tetee-tutu'dan nde, fo ela o tu'u-tapa heni tatao-nono'i mangalauk-ka.

AYUB 36:21 ပူးပေါင်းရင်းမြစ်များ

AYUB 35:3

O sala, metema o matane mae, o salam-ma, nanuu koasa beek soaneun; ma metema, o ta tao sala-singok fa soona, o hapu nanalak hata.

AYUB 36:10

Manetualain nadenus, fo lamanene Ndia hala nasanene'dan-na, ma ala tu'u-tapa heni, sila tatao-nono'i mangalaun-na.

AYUB 36:15

Manetualain fepa hataholi daebafak-ka, tunga doidosok-ka, Ana pake susa soaneu ala tuka tei-sale dale.

AYUB 36:8

Tehu metema, hataholi-a nanalangek nenik namosina besi, fo ana doi-doso, hu kande tatao-nono'in mesan-na,

AYUB 7:11

Hu ndia de, au ta denge-denge ahele fa! Au ta hapu akatatakak ala, au dale he'ding-nga, ma au so'da makahe'dung-nga fa. Au muse kokolak, fo au kalua au daleng-nga oe-isin.

MAZMUR 31:6

Au fe au aoinang-nga, leo O limam dale neu; O soi-po'i au, Ou Amak, Manetualain fo manalilinekak.

MAZMUR 66:18

Metema au nau dudu'a-dodoo mangalauk nai au daleng dale soona, tao leo bee-o, Manetualain ta nau namanene fan.

YESKIAL 14:4

Hu ndia de, mafa'da mae Au, Manetualain Fo Mademaina, helu nai leo ia, ‘Ba'eneu hataholi Israel fo, ana nase'o basa so'dan-na neu sosongo-tatangok-ka so, ma ana po'ilotak aoinan-na tu'da leo sala-singok-ka dale neu, boema ana mai noke nanoli-nafa'dak neme nabi esa mai soona, neukose Au nde ataan nenik natataak fo nandaa, ba'eneu sosongo-tatangok makadotok sila-la!

DANIAL 6:10

Boema Mane Darius-sa limalee susulak ndia.

MATEOS 13:21

Tehu halak ndia ta nahuu-naoka nai dale nala dalek fa, nalosa ana ta hapu nakatatakak nala doo ka fa. Leondiak ala hapu doidosok, susa-soe, ma fefepa-lili'uk, nanahu dede'a-kokolak sila la, tutika ala fali deak leona.

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

IBRANI 11:25

Ana nau ka'da doidoso sama-sama no Manetualain hataholi kamahehele nala, neme soaneu ka'da le'do fai nggenggelok esa, name'da nita namahokok neme maso'da masala-masingo ka mai.

1 PETRUS 3:17

Malole lenak doidoso hu ka nde tatao-nono'i malole a metema doidosok ndia nde bee na, Manetualain hihii-nanaun neme emi doidoso, hu ka nde tatao-nono'i mangalau ka.