AYUB 36:16 - Susula Malalaok Hehelu Palak Ma Hehelu Beuk

¹⁶ Manetualain soi-po'i o neme toto'a-tataak-ka mai, nalosa o hapu mame'da mita mole-dame-a, ma o mei nana'am-ma, henuk no nana'ak-ka.

AYUB 36:16 ပူးပေါင်းရင်းမြစ်များ

AYUB 15:11

Tao le'e de, o ta sipok Manetualain kokoe-nanasin fa? Ami kokolak no ta haelai mamanasa, ma mangana'uk, nenik Manetualain na'den-na.

AYUB 19:8

Manetualain kena ketu, au enong-nga, de au ta hapu la'o tunga ndia fa, Ana taon-na au eno anang-ngala, makahatu kiu-kiuk.

AYUB 5:17

Metema Manetualain ka'i o soona, o maua-manale! Metema nakamuu o soona, dalem-ma boso ba'ihana.

MAZMUR 118:5

Nai au makase'eng-nga dalek, au aloo bou-bou neu Manetualain; boema nataa, de Ana soi-po'i au.

MAZMUR 18:19

Ala sapu-la au, nai lelek susa-soe-a tuni-ndeni-nala au, tehu Manetualain da'di au manatulu-manafaling.

MAZMUR 18:20

Ana soi-po'i au neme soe dale mai ma Ana soi-tefa-nala au nanahu dalen-na nahiik no au.

MAZMUR 23:5

O sadia feta ba'eneu au nai au musu-noong-nga matan, O sipok au da'di leo fui nanafe ha'da-holomata. O sadia fe au nininu mala'da hiik-ka sasi kao-kao.

MAZMUR 31:8

Neukose au amahoko ma setelee, nana O sue-lai mahele au. O mita au doi-dosong ma O taoafik neu au toto'a-tataang.

MAZMUR 36:8

Ou Manetualain, O susue-lalaim ba'un-na seli, hataholi daebafak-ka nasulu-nahapa nai O li'da susuem-ma dalek.

MAZMUR 63:5

Au oke makasi neu O, nai au fai maso'dang-nga dalek; au so'uk au limang-nga neu O, boema au hule-haladoi,

MAZMUR 63:6

No eeki-natadalek, au koa-kio O, nana O tao mamahoko au samaneng-nga, sama leo nenik nana'a mala'da.

YESAYA 25:6

Manetualain Fo Manakoasa, neukose Ana sadia feta soaneu basa leoina manai daebafak-ka, nai Pupuku Sion-na. Neukose Ana sadia nana'ak fo, mala'da hiik nanseli, ma angol nanahehelek.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

HOSEA 2:14

Manetualain Manakoasa nafa'da nae, “Hu ndia de, neukose Au on leo moo solokaek-ka neu. Nai naa, neukose Au fufu'din nenik dede'a tou-ta'ek.