AYUB 36:12 - Susula Malalaok Hehelu Palak Ma Hehelu Beuk

¹² Tehu metema, ala ta nau lamanene fa soona, neukose ala mate nai, nggoak-ka dalek.

AYUB 36:12 ပူးပေါင်းရင်းမြစ်များ

AYUB 15:22

Ta hapu namahehenak, soaneu nadook aoinan-na neme makahatuk-ka mai, nana hataholi kanisak-ka tafainan-na, usin nai fai loak lala'en-na.

AYUB 33:18

Ana ta po'ilotak-kasa, la'o la'di nakalulutuk-ka fa; nasulu-nahapas neme mamates-sa mai.

AYUB 36:13

Hataholi lamatua taak-ka, nape'da nasa-meluk; leomae, Manetualain hukun boe, ala ta nau loke tutulu-fafalik fa.

AYUB 4:21

Soona, mopo la'iesak hata-heton lala'en-na; ma maten no, ana ta hapu ha'da-palii malole fa.’

AMSAL 5:23

Ana mate, nanahu ana ta sipok nanoli-nafa'dak fa. Nggoan-na, non leo nakalulutuk-ka neu.

YESAYA 1:20

Tehu metema, emi lena-la'ban Au soona, neukose emi mate nai natee-natatik dale. Au fo Manetualain, nde manakokolak-ka.”

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YOEL 2:8

Ta lakaseseti ao fa, sila esa-esak la'ok tunga enon-na. Basa-basas lakabubua, de ala hona lakalulutuk basa kota musu lala'en-na, ta hapu tao nate'e sila lala'o nakadadalan-na fa.

SEMUEL SUSULAK-KA ESAN-NA 12:25

Tehu, metema emi tao mahele sala-singok soona, neukose mopo-mate emi ma emi manem-ma.”