AYUB 36:10 - Susula Malalaok Hehelu Palak Ma Hehelu Beuk

¹⁰ Manetualain nadenus, fo lamanene Ndia hala nasanene'dan-na, ma ala tu'u-tapa heni, sila tatao-nono'i mangalaun-na.

AYUB 36:10 ပူးပေါင်းရင်းမြစ်များ

2RAJA-RAJA 17:13

Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”

AYUB 36:15

Manetualain fepa hataholi daebafak-ka, tunga doidosok-ka, Ana pake susa soaneu ala tuka tei-sale dale.

AYUB 36:21

Manea matalolole leona, fo boso fali leo tatao-nono'i mangalauk-ka mu. O doidosom tetee-tutu'dan nde, fo ela o tu'u-tapa heni tatao-nono'i mangalauk-ka.

MAZMUR 40:6

Manetualain, O tatao-nono'in makadotok nanseli ba'eneu ami, ou au Manetualain, ta hapu hata fo, hapu nakasasamak-kana no O fa! O dale tutu'um makadotok, tao-na ami dodoo doak-kana, ta hapu tui la'iesak-kasa fa.

YESAYA 48:17

Israel Manetualain malalao-malalafun-na, ma o Manasoi-tefam-ma, nafa'da nae, “Au nde o Amam Manetualaim, fo namanenenanoli o, hata fo masosoa-ndandaak ba'eneu o, ma Ana hela-nole o, nai enok fo, o tungak-ka.

YESAYA 48:8

Au bubuluk, o ta mamahele fa, neme makahulun-na mai, o nananita-nalelak da'di leo manamalelesik. Hu ndia de, o ta bubuluk-kana fa, o ta mamanene dede'ak de'ek esa boen.

YESAYA 50:5

Manetualain fe au malelak; au ta la'ban, do lepos la'oela fan.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

YUNUS 3:8

Hataholi la ma bana-manu muse pake si'di kalong. Fo da'dileo ta'du-tana nasasale dalek, basa hataholi-la muse hule-haladoi te'e-te'e neu Manetualain. Sila muse tao matalolole sila ha'da tatao mangalaun-nala, ma sila ha'da-tataon fo henuk no sala-singok-ka.

ZEFANYA 3:7

Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

MATEOS 3:8

Matu'dun nai emi tatao-nono'i ma dalek mae, emi tukatei-saledale meme emi sala-singo mala mai so.

HATAHOLI 16:14

Inak esa nai inak sila la dalek nde bee soona, ina mana mase'o tema pila balanggeo kabelik, na'de Lidia, fo neme Tiatira mai. Ana sue-lai Manetualain, de Lamatua ka nakababale dale na, fo ela ana sipok hata fo Paulus nanolin nana.

HATAHOLI 17:30

Manetualain nafandeleheni ita nggoa na so, tehu besak ia nadenu basa hataholi daebafa ka tukatei-saledale leme sala-singo nala mai.

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!