AYUB 35:13 - Susula Malalaok Hehelu Palak Ma Hehelu Beuk

¹³ Ala nggasi lapane'e lanseli, tehu manada'di tak; Ndia Fo Manakoasa, ta mete do namanene fas.

AYUB 35:13 ပူးပေါင်းရင်းမြစ်များ

AYUB 15:31

Metema, namahele hata sosoa-ndandaa tak-ka soona, neukose ndia nde nanatipu-daik; ma neukose ndia da'di babalan-na fo ana sipok-kana, sosoa-ndandaan ta boe.

AYUB 30:20

Au aloo bou-bou neu O, ou Manetualain, tehu O ta fe natataak fa; metema, au hule-haladoi soona, O ta taoafik neu fan.

MAZMUR 102:17

metema Manetualain nafofo'a falik Sion, fo ana to'da mai, nai matua-mademan-na dalek.

MAZMUR 66:18

Metema au nau dudu'a-dodoo mangalauk nai au daleng dale soona, tao leo bee-o, Manetualain ta nau namanene fan.

AMSAL 15:29

Metema hataholi malole-a hule-haladoi soona, Manetualain namanene, tehu Ana ta taoafik neu hataholi malelesik-ka fa.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AMSAL 28:9

Metema, o ta tunga Manetualain hoholo-lalanenfa soona, neukose Manetualain boeo, malua o huhule-haladoim.

YESAYA 1:15

Metema, emi so'uk emi limam-ma, fo emi hule-haladoi soona, Au ta nau taoafik neu fan. Au ta paluu emi huhule-haladoim dede'un-na de'ubee fa, ma Au ta nau amanene fan, nana emi manisa la'i ba'uk-ka nenik emi limam ndia so.

YEREMIA 11:11

Hu ndia de, Au, fo Manetualain, fe nasanene'dak ae, neukose Au eni fe sila susa-soe de sila ta hapu laladeak fa. Metema ala lalo bebou, loke tutulu-fafalik neme Au-a mai soona, Au ta nau amanene fa.

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

AMOS 5:22

Metema emi meni tutunu-hohotu bana ma tutunu-hohotu gandum soona, neukose Au ta sipo fa. Au ta nau sipo emi bana-manu maaom, fo emi fen neu Au da'dileo tunu-hotu mole-dame fa.

MIKHA 3:4

Neukose fain-na losa, emi nggasi moke tutulu-fafalik neu Manetualain, tehu Ana ta nau nataa fa. Neukose Ana ta namanene emi huhule-haladoim fa, nanahu emi tao tatao-nono'i mangalauk so.

MATEOS 6:7

Metema ladenu emi hule-haladoi soona, boso makadedesik sama leo hataholi fo ta lalelak Lamatua ka fa. Nanahu hataholi matak leo sila kala, laedaenga Manetualain namanene sila huhule-haladoi manalu inan ndia,

YOHANIS 9:31

Ita bubuluk basa, Manetualain ta nau namanene hataholi masala-masingo ka huhule-haladoin fa, te namanene ka'da hataholi manafe ha'da-holomata ma manatao tunga hihii-nanau na, huhule-haladoin dei.

YAKOBIS 4:3

Ma leomae emi moken so boe, tehu leondiak boeo emi ta hapu fan, nana emi nonokem ndia, sala eno na; hata fo emi mokek ndia nde bee na, soaneu emi hapu manuu hika-setelee daebafa ka mesa kana.